دوكان.. دەست بەوەرگرتنی گەنمی جوتیاران دەكرێت

لە ئێستادا لە هەردوو سایلۆی پیرەمەگرون و رانیە وەرگرتنی گەنم دەستیپێكردووە و جوتیارانی ئارەزومەند دەتوانن گەنمەكانیان رادەستی سایلۆ بكەن.

مستەفا ساڵح بەڕێوەبەری كشتوكاڵی دوكان بە  PUKmedia ی  راگەیاند: ئەو جوتیارانەی كە ئارەزومەندن گەنمەكانیان رادەستی سایلۆ بكەن لەسنووری بەڕێوەبەرایەتی كشتوكاڵی دوكان، لەئێستادا لە هەردوو سایلۆی پیرەمەگرون و رانیە وەرگرتنی گەنم دەستیپێكردووە.

ئاماژەی بەوەشكرد: ئەو جوتیارانەی پێشتر ناویان تۆمار كراوە و ناوەكانیان لەبەغدا گەڕاوەتەوە، پێویستیان بەپشتگیری بەشە كشتوكاڵییەكان نییە  ڕاستەوخۆ دەتوانن گەنمەكانیان ببەنە سایلۆ، بەڵام ئەو جوتیارانەی  كە ناویان لەلای بەشە كشتوكاڵییەكان تۆمار نەكراوە، دەتوانن سەردانی بەڕێوەبەرایەتی و بەشە كشتوكاڵییەكانی سنوورەكە بكەن بۆ ئەوەی پشتگیریان بۆ بكرێت بۆ رادەست كردنی گەنمە كانیان بە سایلۆ.

PUKmedia بێستون شارەستێنی