ئەمین بابەشێخ: ئەوەی یەكێتی بۆ كوردانی ڕۆژئاوای كوردستان دەیكات ئەركی نیشتمانییە

ئەمڕۆ چوارشەممە (8/6/2022) لە بارەگای مەكتەبی سیاسی یەكێتیی نیشتمانیی کوردستان  لە سلێمانی،  ئەمین بابەشێخ ئەندامی مەكتەبی سیاسی و لێپرسراوی مەكتەبی پەیوەندییەكان بە ئامادەبوونی سالار سەرحەد خەلیفە لێپرسراوی بۆردی پەیوەندییە كوردستانییەكان، پێشوازی كرد لە وەفدێكی پارتی دیموكراتی پێشڤەڕۆی كورد لە سوریە بە سەرۆكایەتی عەلی شەمدین، ئەندامی مەكتەبی سیاسی و  لێپرسراوی پەیوەندییە كوردستانییەكانی ئەو حیزبە.
لە كۆبوونەوەكەدا تاوتوێی پێشهات وڕوداوەکانی ناوچەکەو رۆژئاڤای کوردستان بە تایبەتی و  پەیوەندیەکانی نێوان هەردوولا کرا وتەئکید لەوە کرایەوە کە پێویست دەکات گەلی كورد لە سوریا هەوڵە دبلۆماسیەکان و زمانی دیالۆگ زیاتر بخاتەگەڕ بۆ بەرقەراركردنی ئاشتی و دورخستنەوەی مەترسییەكان.

 هەر لە دیدارەکەدا عەلی شەمدین لێپرسراوی پەیوەندیە کوردستانیەکان، دووپاتی کردەوە کە ئەوان بە پێزانینەوە لە هەوڵەكانی یەكێتیی دەڕوانن لە  پشتیوانی رۆژئاوای كوردستان وتیشی: سەقامگیری هەرێمی كوردستان و بەهێزبوونی پەیوەندییەكانی هەرێم لەگەڵ بەغداد كاریگەری لەسەر رەوشی رۆژئاوای كوردستانیش هەیە. 

لە بەشێکی تری دیدارەکەدا ئەمین بابەشێخ وتی: ئەوەی یەكێتی لەبەرامبەر كوردانی رۆژئاوای كوردستان دەیكات بە ئەركی نیشتیمانی خۆی دەزانێت و ئامادەیی هەموو پشتیوانییەكە بۆ چارەسەری قەیرانەكانی  سوریا و بەدەستهێنانی مافی گەلی كوردمان لە رۆژئاوای كوردستان بە رێگە دانوستان ودیالۆگ.

PUKmedia