سەرۆك بافڵ: شەراكەتی راستەقینە لەبەڕێوەبردن و بڕیاری سیاسی پێویستی ئەم ھەلومەرجەیە

بافڵ جەلال تاڵەبانی، سەرۆكی یەكێتیی نیشتمانیی كوردستان لە ماڵی مام لە بەغدا پێشوازیكرد لە موسەنا سامەڕائی، سەرۆكی ھاوپەیمانیی عەزم.
لە كۆبوونەوەكەدا دەرباز كۆسرەت رەسوڵ، كارگێڕی مەكتەبی سیاسی و خالید شوانی، ئەندامی مەكتەبی سیاسی ئامادەبوون دۆخی گشتی سیاسیی وڵات و یەكخستنی ھێزو تواناكان بۆ پێكھێنانی حكومەتی نوێی عیراق تاووتوێكران و جەختكرایەوە لە چڕكردنەوەی ھەوڵەكان بۆ نزیككردنەوەی لایەنەكان و تێپەڕاندنی دۆخی چەقبەستووی عیراق لەپێناو بەرژەوەندی گشتی و پاراستنی بنەما دەستوورییەكان.
سەرۆك بافڵ جەلال تاڵەبانی دووپاتی لەخواستی یەكێتی كردەوە بۆ گەیشتن بە لێكتێگەیشتن و رێككەوتنی نیشتمانی بۆ پێكھێنانی حكومەتی خزمەتگوزار و راشیگەیاند پەنابردن بۆ شەراكەتی راستەقینە لە بەڕێوەبردن و بڕیاری سیاسی لە عیراقدا پێویستییەكی ئەم ھەلومەرجەیەو دۆخی وڵاتیش بەرەوە سەقامگیری سیاسی، ئابووری و ئەمنی دەبات كە ئەمە خواستێكی جەماوەریی ھەمەلایەنەیە.

PUKmedia