فراكسیۆنی یەكێتی و لێپرسینەوەو دادپەروەری چەند پرسێك تاووتوێ دەكەن

وەفدێكی فراكسیۆنی یەكێتی لەئەنجومەنی نوێنەرانی عیراق لەگەڵ دەستەی نیشتمانیی لێپرسینەوەو دادپەروەری كۆبوونەوەو باسیان لەچەندین پرسی گرنگ كرد.
سۆزان مەنسور ئەندامی فراكسیۆنی یەكێتی لەئەنجومەنی نوێنەران و ئەندامی وەفدەكە بە PUKmedia رایگەیاند: سەلاح مەزاحم جبوری جێگری دەستەی نیشتمانیی لێپرسینەوەو دادپەروەری پێشوازی لەوەفدێكی فراكسیۆنی یەكێتی لەئەنجومەنی نوێنەرانی عیراق كرد بەئامادەبوونی مامۆستا بەدر فەزل ئەندامی دەستەكە.
مەنسور راشیگەیاند: وەفدەكەی فراكسیۆنی یەكێتی كە پێكهاتبوو لەهەریەك لە هەرێم كەمال ئاغا سەرۆكی فراكسیۆنی یەكێتیی نیشتمانیی لەئەنجومەنی نوێنەران و خۆیی و د.پەرلەمانتار نەرمین مەعروف گفتوگۆیان كرد لەبارەی چەندین پرسی جێ گرنگ و بەرژەوەندی هاووڵاتیان و رێگەكان بۆ كەمكردنەوەی ئێش و ئازارەكانیان.
وتیشی، هەر لەدیدارەكەدا باسیان لەدۆخی سیاسی لەوڵاتدا كردو رێگە پێویستەكان بۆ گەیشتن بەپێكهێنانی حكومەتێكی نیشتمانیی كە گەل چاوەڕێی دەكات.
PUKmedia تایبەت