}

داوای چارەسەركردنی گرفتەكانی كەرتی پەروەردەو خوێندنی باڵا دەكرێت

پەروەردە 02:48 PM - 2022-06-05

سەرۆكی یەكێتی مامۆستایانی كوردستان رایدەگەیەنێت،  هەرچەندە بەراورد بەساڵانی رابردوو، پڕۆسەی خوێندنی ئەمساڵ(2021-2022)لە هەرێمی كوردستان  باشتر بەرێوەچوو، لەگەڵ ئەوەشدا هێشتا كەموكوڕی لەكەرتی پەروەردە زۆرە و پێویستە حكومەت بە زووترین كات چارەسەریان بكات.

لەوبارەیەوە عەبدولواحید محەمەد سەرۆكی یەكێتی مامۆستایانی كوردستان بە PUKmedia ی راگەیاند:  ئێمە پێمانوایە  بەڕێوەچوونی ساڵی خوێندنی (2021-2022) بەراورد بە دوو ساڵی رابردووی سەردەمی ڤایرۆسی كۆرۆنا باشتربوو و  خوێندكاران توانیان لەناوهۆڵەكاندا خوێندن تەواو بكەن، لەگەڵ ئەوەش هێشتا كەموكوڕی زۆر ماوە و پێویستە لایەنەپەیوندارەكان چارەسەریبكەن.

وتیشی: گرفتەكانی میلاكی وەزارەتی پەروەردە و پلەبەرزكردنی مامۆستایان و دابەشكردنی مووچە لەكاتی دیاریكراوی خۆیدا، چەند گرفتێكن  پێویستیان بە چارەسەكردنی بنەڕەتی هەیە چونكە، ئەو گرفتانە كاریگەری راستەوخۆی لەسەر دەروونی مامۆستایان و چۆنێتی بەڕێوەبردنی پڕۆسەی پەروەردە و خوێندن هەیە لە هەرێمی كوردستان .

سەرۆكی یەكێتی مامۆستایان ئاماژەی بەوەشكرد:  هەرحكومەتێك ئەگەر بیەوێت سەركەوتووبێت پێویستە  سەرەتا كێشە و گرفتەكانی پەروەردە و خوێندنی باڵا چارەسەر بكات، چونكە  مانەوەی كێشەی ئەو كەرتە رێگردەبێت لەبەردەم پێشكەتنی بوارەكانی دیكەی ژیان،  هەرچەندە چارەسەركردنیشان دوا بكەوێت، بێگومان  لە ساڵانی داهاتوو  سەرهەڵدەداتەوە و بگرە گەورەتریش دەبن.

 PUKmedia تەها عەبدوڵڵا

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket