ئۆپیك بڕیاریدا بڕی بەرهەمهێنانی نەوت زیاد بكرێت
جیهان 09:39 PM - 2022-06-02
رێكخراوی ئۆپیك پلاس ئەمڕۆ پێنجشەممە لەكۆبوونەوەی خۆیدا رەزامەندی نیشاندا لەسەر زیادكردنی بەرهەمی نەوت بەبڕی 648 هەزار بەرمیل لەرۆژێكداو بەهەمان شێوەش ئەو بڕە لەمانگی ئابدا زیاد بكرێت، وەك لە راگەیەنراوی رۆژنامەوانی رێكخراوەكەدا هاتووە، بەوەش بڕی ئەو زیادبوونانەی تێپەڕاند كە لەمانگەكانی پێشوودا بڕیاری لەسەردرابوو كە رۆژانە نزیكەی 432 هەزار بەرمیل بوو، بڕیاریش درا كۆبوونەوەی داهاتووی رێكخراوەكە لەرۆژ 30ی حوزەیرانی داهاتوودا ئەنجام بدرێت.
رێكخراوی ئۆپیك كە 32 وڵات ئەندامن تێیدا لەنێویاندا روسیا پێشتریش بڕیاریدابوو هەموو مانگێك و بەشێوەیەكی چەسپاو بەرهەمی نەوت بەبڕی 432 هەزار بەرمیل لەرۆژێكدا زیاد بكات، لەسەر بنەمای ئەو نەخشە رێگەیەی رێكخراوەكە كێشابووی بەمەبەستی گێڕانەوەی پلە بەپلەی كەمكردنەوەكان لە بڕی بەرهەمی نەوت كەلەهەلومەرجی پاشەكشەدا لەكاتی پەتای كۆرۆنا لەساڵی 2020 دا سەپێنران، بەگوێرەی ماڵپەڕی "ئەسۆشیتد پرێس".
بڕیارەكەش لەكاتێكدا دێت كە مەترسی هەیە لەسەر بەرزبوونەوەی نرخی وزە كە رەنگە ئابووری جیهان تووشی سستی بكات.
بەرزبوونەوەی نرخی نەوت و غازیش هۆكار بوون بۆ دروستبوونی هەڵاوسان لەئەمریكاو ئەوروپاو شەكەتكردنی توانای كڕین لەلای بەكاربەر، لەپێش كۆبوونەوەكە نرخی نەوتی ئەمریكا بەڕێژەی لە 2.8% پاشەكشەی كردبوو.
سەرانی وڵاتانی یەكێتی ئەوروپا لەڕووی مەبدەئییەوە لەسەر ئەوە رێككەوتن كەلەكاتی ئێستاداو پلەبەپلە هەناردەی نەوتی روسیا بەڕێژەی لە 75% بۆ وڵاتەكانیان كەمبكەنەوە، تا كۆتایی ئەمساڵ ئەو رێژەیە بگەیەننە لە 90%، لەنێو توندترین ئەو سزایانەیە كەتاوەكو ئێستا یەكێتی ئەوروپا لەدژی مۆسكۆ گرتویەتییەبەر لەسەرەتای دروستبوونی قەیرانی ئۆكرانیاوە.
بەڵام هەندێك لە پسپۆڕان گومانیان هەیە لەتوانای گەیشتن بەم رێژەیە لەوازهێنان لەنەوتی روسیا بەتایبەتی كەلەكاتی ئێستادا بژاردە جێگرەوەكان سەرجەمیان قورسن.
بەڵام لەچین لەدوای دوو مانگ كۆتایی بەرێكارە توندەكانی داخستن هێنرا كە بەئامانجی كۆنترۆڵكردنی ڤایرۆسی كۆڤید-19 گیرابوونەبەر، ئەوەش پێشبینییەكانی سەبارەت بەزیادبوونی داواكاری لەسەر سووتەمەنی زیاد كرد، بەگوێرەی ماڵپەڕی رۆیتەرز.
رێكخراوی ئۆپیك پلاس ژمارەیەك لە ئەندامانی رێكخراوی وڵاتانی هەناردەكردنی نەوت (اوبك)و هاوپەیمانەكانی بەسەرۆكایەتی روسیالەخۆ دەگرێت.
PUKmedia ئاژانسەكان
هەواڵی زیاتر
-
هاوخەمییەکان بۆکۆچیدوای فەرماندەی دێرین حەسەن ئەحمەد
11:14 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18
ئەمانەش ببینە
قوباد تاڵەبانی: ئارامی سلێمانی هێڵی سوورە
08:59 PM - 2024-04-19
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
05:56 PM - 2024-04-19
پەرلەمانتارە غائیبەکان 160 ملیۆن دینار سزادران
10:43 AM - 2024-04-19
داهاتی هەفتەی رابردووی سلێمانی زیاتر لە 7 ملیار دینارە
09:09 AM - 2024-04-19
زۆرترین خوێنراو
-
هاوخەمی سەرۆک بافڵ بۆ بنەماڵەی خاتوو رقیە
پرسەنامە 03:27 PM - 2024-04-20 -
پلهبهرزكردنهوهی مووچهخۆرانی ههرێم رهزامهندی بهغدای دهوێت
کوردستان 10:40 AM - 2024-04-20 -
هاوخەمییەکان بۆکۆچیدوای فەرماندەی دێرین حەسەن ئەحمەد
پرسەنامە 11:14 PM - 2024-04-19 -
قوباد تاڵەبانی: ئارامی سلێمانی هێڵی سوورە
کوردستان 08:59 PM - 2024-04-19 -
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
کوردستان 05:56 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
کوردستان 02:02 PM - 2024-04-19