بەهەوڵی قوباد تاڵەبانی بەنزینی عیراقی بۆ سلێمانی دابیندەکرێت

قائیمقامی سلێمانی رایگەیاندوە، لە چەند رۆژی نزیکی ئایندەدا بڕێکی باش بەنزینی عیراقی بۆ پارێزگای سلێمانی دابین دەکرێت.

ئاوات محەمەد قائیمقامی سلێمانی لە راگەیەندراوێکدا کە کۆپییەکی دەست PUKmedia کەوتوە رایگەیاند: بەھەوڵی قوباد تاڵەبانی جێگری سەرۆکی حکومەتی ھەرێمی کوردستان لە چەند رۆژی نزیکی ئایندەدا بڕێکی باش بەنزینی عیراقی لە جۆری 690 دیناری دەگاتە پارێزگای سلێمانی و لەڕێگەی وێستگەکانەوە بەسەر شۆفێراندا دابەشدەکرێت.

وتیشی بەڵێن دراوە رۆژانە ناردنی ئەو جۆرە بەنزینە لە بەغدادەوە بۆ پارێزگای سلێمانی بەردەوام بێت بۆ ئەمەش سوپاسی ھەوڵەکانی جێگری سەرۆکی حکومەت قوباد تاڵەبانی دەکەین .


PUKmedia راگەیاندنی قائیمقامیەتی سلێمانی