گەنجێكی كورد پۆستێكی باڵای بەریتانیا وەردەگرێت

گەنجێكی قەزای حاجیاوای سەر بە ئیدارەی ڕاپەڕین دەبێت بە جێگری پارێزگاری لەندەن.

سەرباز بەرزنجی گەنجێكی خەڵكی قەزای حاجیاوای سەر بە ئیدارەی ڕاپەڕین لە ماوەی ڕابردوودا لەهەڵبژاردنی شارەوانییەكانی لەندەن سەركەوتن بەدەستدەهێنێت و وەك ئەندامی ئەنجومەنی شارەوانی لەندەن دەستبەكار بووه.

سەرباز بەرزنجی ئەمڕۆ ڕایگەیاند: لەڕێوڕەسمێكی تایبەتدا بە زۆرینەی دەنگی ئەنجومەن وەك جێگری پارێزگاری لەندەن هەڵبژێردراوە. 

ڕاشیگەیاند: شەرەفێكی گەورەیە مرۆڤ بتوانێت خزمەتی كۆمەڵگا و خەڵكی خۆی بكات و ببێتە نوێنەری ڕاستەقینەی هاووڵاتیان و ڕابردووی خۆی لە یاد نەكات.

سەرباز بەرزنجی ئاماژەی بەوەشكردووە كە خۆشحاڵ بووە لەو ڕێوڕەسمەدا بە جلوبەرگی كوردییەوە سوێندی یاسایی خواردووە. 
PUKmedia محەمەد ڕەسوڵ