قوباد تاڵه‌بانی: پێویسته‌ رێگربین له‌توندوتیژی به‌رامبه‌ر ژنان

قوباد تاڵه‌بانی جێگری سه‌رۆك وه‌زیرانی حكومه‌تی هه‌رێمی كوردستان رایگه‌یاندوه‌، ئه‌مڕۆ چووم بۆ ئه‌وه‌ی پشتگیریی ته‌واوم پێشكه‌ش به‌ كۆی تیمی به‌ڕێوه‌به‌رایه‌تی به‌ره‌نگاربوونه‌وه‌ی توندوتیژی دژی ئافره‌تان و خێزان و به‌ڕێوه‌به‌ره‌ نوێكه‌یان فێنك خان بكه‌م. ئه‌وان كاری پڕ به‌ها ده‌كه‌ن بۆ به‌ره‌نگاربوونه‌وه‌ی توندوتیژی دژی ژنان.

وتیشی: داوا له‌ كۆمه‌ڵگاكه‌مان به‌ گشتی ده‌كه‌م ، پیاوانی ئاینیی، دادوه‌ره‌كان، سه‌رۆك عه‌شره‌ته‌كان، فه‌رمانبه‌ران، پزیشكان، مامۆستایانی زانكۆ، خوێندكاران، سیاسه‌تمه‌داران، هه‌مووان، پشتگیریان بكه‌ن له‌ ئه‌ركه‌كه‌یاندا.

ئه‌وه‌شی خسته‌ڕوو: بنبڕكردنی به‌ڵای توندوتیژی دژی ژنان پێویستی به‌ هه‌موو چین و توێژه‌كانی كۆمه‌ڵگا هه‌یه‌و هه‌موومان پێویسته‌ زیاتر بكه‌ین، چونكه‌ هیچ شه‌ره‌فێك له‌ ژن كوشتندا نییه‌.

PUKmedia تایبه‌ت