}

دیداری یەكێتی

بیروڕا 01:06 PM - 2022-05-25

سۆزان ئەنوەر
یەكێتی مام، یەكیتیی نیشتمانیی كوردستان، فیرگە و مەڵبەندی خەبات و بەرخۆدان.
دیداری یەكێتی دیدارێكی گرنگ و چارەنووسسازە بۆ پتەوكردنی ریزەكان و هەڵسەنگاندنی خۆمانە .
بەدیدی رەخنەیی بنیاتنەرەوە هاتووین، بۆ ئەوەی پەندی پێویست لە رابردوو وەربگرین بۆ ئیستا و داهاتوومان .
پێویستە راشكاوانە پەنجە بخەینە سەر زامەكان، سەر كەموكورتییەكان، سەر ئاستەنگ و ئاڵنگارییەكانی بەردەممان لە ناوخۆ و لە دەرەوە، لە هەموو ئاستێكی رێكخستنەوە تا بەرزترین ئاستی سەركردایەتی و مەكتەب و دام و دەزگاكان . 
هەرحیزبێك رەخنەی خودی نەبێت واتە لە خۆیدا كەموكورتی نەبینێ و بەردەوام بێت لەسەر هەڵەكانی، ئەو حیزبە ناتوانێت كارا بێت و خەڵك متمانەی پێنادات .
یەكێتی نیشتمانی پیویستە لەم هەلومەرجە دژوار و هەستیارەدا لەسەر بنەمای رەخنەی خودی و نەشتەرگەرییەكی زانستیانە خۆی چاك بكات. دروشمی گەورە و بە تەنها كیشەكان چارەسەر ناكات بەڵكو دەشبێتە بارێك بەسەر مانەوە، نەیارەكانمان لە كەمیندان بۆ قۆزتنەوەی هەڵەكانمان بۆ بەدبین و بەدگومانكردنی جەماوەری كوردستان  لەسەر یەكێتی بۆ ئەوەی یەكێتی شكست بهێنێت، بەڵام خەیاڵیان خاوە، ئێمە حیزبێكین بە دیسپلین و بەرنامەی تایبەتی خۆمانەوە هەمیشە هەڕەشەكان دەگۆڕین بە دەفەرتی هەستانەوە و بەرخۆدان .
پێویستە هاوسەنگییەك دروستبكەین لە نێوان كوردستانییبوون و نیشتمانییبوندا، ئێمە چۆن لە كوردستاندا گوڕ و تین بدەینەوە بە پڕۆسەی سیاسی و كۆمەڵایەتی و چۆن لە عیراقیشدا فاكتەری هاوسەنگیی و سەقامگیریی سیاسی بین .
لەم روەوە دەبێ سەركردایەتی یەكێتی نزیك بێتەوە لە خواست و هیوا و تمووحاتی گەلەكەمان ، گەورەتر لە ویستە ئابووری و بازرگانیەكان هەنگاو بنێ  بۆ بابەت و پرسە نەتەوەیی و نیشتمانییەكان و نەوەی دوارۆژ بەرهەم بهێنێت بۆ درەستكردنی قەوارەی هاوچەرخ و سەردەمییانە .
نابێت رێگا بدرێت مەركەزییەتی بریاری سیاسیی بكەوێتە ژیر پرسیار و گومانەوە، یەك سەركردەو یەك نەهجی سیاسی كە هەمان نەهجی سەرۆك مامجەلالە بكەینە مەشخەل و روانگەی داهاتووی پەروەردە و راگەیاندن و میدیای یەكێتی .
بە تایبەت میدیای یەكێتی لە دۆخێكی نەخوازراودایە دەبێت بریاری دروست و كاریگەری لیبدرێ بۆ ئەوەی لە پەراویزەوە بگەڕێتەوە بۆ سەنتەری كۆڕ و خەباتی میللی و نیشتمانی و ناو جەماوەری هەر چوار پارچەی كوردستان .
حاڵی حازر گوتاری سیاسی و جەماوەریی یەكێتی گوتارێكی نزم و نەبیستراوە، بزانین بۆچی و لە پێناوی چی وای لیهاتووە ؟
ئەم دیدارە پێویستە رێكاری گونجاوی خێرا دابنێ بۆ دەربازبوون و لەم چەقبەستوویی و راراییە كە لە سیاسەتی هەرێمی كووردستاندا هەیە و یەكێتی بەشدارە و بەپرسە لە زۆرێك لەو وەزعەی كە خولقاوە.
بە بێدەنگی و خۆ گێلكردن و كەمتەرخەمی وەزعەكە چارەسەر نابێ بەڵكو بەرەو  خراپتر و بەرەو كارەسات دەچێت .

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket