نێرگز قادر هەواڵی ژەهر خواردنی رەتدەكاتەوە

نێرگز قادر، رۆژنامەنووس و پێشكەشكار لە دەزگایی میدیایی كەركوك هەواڵی ژەهر خواردن و دەرمان خواردنی رەتدەكاتەوە و دەڵێت، تەنها بەهۆی دەرمانی پزیشكییەوە باری تەندروستیم تێك چووە و ئازار لە گەدەمدا دروست بووە.

دەقی روونكردنەوەكە:

ئەمڕۆ ئێوارە دوای گەڕانەوەم لە دەوام باری تەندروستیم تێك چوو ئازارێكی زۆر لە گەدەم دا دروست بوو ، بەو هۆیەوە لەگەڵ براكانم سەردانی نەخۆشخانەی ئازادی فێركاریم كرد دوای ئەنجامدانی چەند پشكنینێك دەركەوت كێشە لە گەدەم هەیە بە هۆی وەرگرتنی جۆرە دەرمانێك كە دكتۆر لە رۆژانی پێشتر بۆی نووسی بووم ، لێرەوە رای دەگەیەنم سەرجەم ئەو هەواڵانەی باس لە ژەهرخواردن و دەرمان خواردن ئەكەن دوورن لە راستییەوە و من ئێستا باری تەندروستیم جێگیرە سوپاس بۆ خوا، سوپاس بۆ هەموو ئەو هاورێ و هەڤاڵانەی كە هەواڵیان پرسیم، سوپاس بۆ ئەو دكتۆرە بەڕێزانەی لە نەخۆشخانەی ئازادی كە ماندوو بوون لەگەڵم. 

داوای لێبوردن لە هاوڕێ و خزم و دۆستانم ئەكەم كە دڵتەنگ بوون بە بیستنی ئەم هەواڵە.

PUKmedia تایبەت