21 كەس لە خوێندنگەیەكدا كوژران

لە ویلایەتی تەكساس كەسێك دەستدڕێژی گوللە لە خوێندنگەیەكی سەرەتایی دەكات و 18 خوێندكار و 3 كەسی دیكە لە خوێندنگاكە دەكوژێت.

لەوبارەیەوە دادوەر گرەیك ئەبوت لە كۆنگرەیەكی رۆژنامەوانیدا رایگەیاند: تاوانبارەكە ناوی سلفادۆر رامۆسە و تەمەنی 18 ساڵە، لەكاتی ئەنجامدانی تاوانەكە و روبەڕوبوونەوەی لەگەڵ پۆلیس، پاش برینداركردنی دوو ئەفسەر، تاوانبار لەلایەن ئەفسەرێكی دیكەوە كوژرا.

هاوكات رولان جوتیریز ئەندامی ئەنجومەنی پیران بە كەناڵی CNN  راگەیاندووە: بە پێی داتاكانی هێزە ئەمنییەكان رێژەی كوژراوان دەگاتە 21 كەس كە 18 كەسیان خوێندكارن.

وتیشی: ئەمە یەكەم جار نییە لە ئەمریكا رووداوی لەوشێوەیە رووبدات، چەند رۆژێك پێش ئێستاش گەنجێكی دیكەی تەمەن 18 ساڵ لە بافلۆی نیویۆرك هەڵیكوتایە سەر دوكانێكی میوە فرۆش و بە گوللە 10 كەسی كوشت.

راشیگەیاند: تا ئێستا هۆكاری ئەنجامدانی ئەو رووداوە روون نییە لێكۆڵینەوەكان لەوبارەیەوە بەردەوامن.

 PUKmedia ئاژانسەكان