دهۆک.. ژنێکی دیکە لەلایەن هاوسەرەکەیەوە دەکوژرێت

درەنگانی شەوی رابردوو لەسنوری قەزای بەردەرەش پیاوێک ھاوسەرەکەی دەکوژێت.

ھێمن سلێمان وتەبێژی پۆلیسی پارێزگای دھۆک رایگەیاند: درەنگانی شەوی رابردوو لە گوندی نەزراوەی قەزای بەردەرەش پیاوێک ھاوسەرەکەی دەکوژێت کە خاوەنی پێنج منداڵە و تەمەنی 30 ساڵانە ، وتیشی لە ئێستادا پۆلیسی قەزاکە دەستیان بە لێکۆلینەوە کردوو بەڵام تۆمەتبارەکە هەڵهاتوە وتیشی: لێکۆلینەوە سەرەتاییەکان دەرکەوتووە شەر لە نێوان پیاو و ژنەکە ھەبووەو لەلایەن پیاوەکەوە ژنەکە کوژراوە.

ئەمە لە کاتێکدایە بە پێ ئامارێکی بەرێوەبەرایەتی توندوتیژی دژی ژنان: ئامارەکانی کوشتنی ژنان زیادی کردووەو بە تەنھا لەماوەی چوار مانگی رابردوو 19ژن کوژراوە کە چواریان لە سنوری پارێزگای دھۆک بووە.

PUKmedia کۆسرەت کەتۆ