خانمێک له‌ گونده‌که‌ی خۆیان کتێبخانه‌یه‌ک ده‌کاته‌وه‌.

خاتوو ئه‌میره‌ محه‌مه‌د له‌ گوندی ده‌شتی تلێی شارباژێڕ، ماڵه‌که‌ی خۆی ده‌کاته‌ کتێبخانه‌یه‌ک بۆ ئه‌وه‌ی ببێته‌ ناوه‌ندێکی ڕۆشنبیریی و مه‌عریفی.

ئامانجی ئه‌م خاتوونه‌ له‌مکاره‌ ئه‌وه‌یه‌ که‌ خوێندکاران و توێژه‌ران  له‌ سنووری شارباژێڕ ئه‌گه‌ر هه‌ر کات پێویستیان به‌ سه‌رچاوه‌ بوو بۆ کاره‌ زانستییه‌کانیان ئاسان ده‌ستیان بکه‌وێت و ده‌توانن له‌داهاتوو سوودی لێوه‌ر بگرن.

ئه‌مکاره‌ی ئه‌میره‌ محه‌مه‌د به‌ پشتیوانی خێزانه‌که‌ی ڕۆژ له‌دوای ڕۆژ له‌ بره‌و سه‌ندندایه‌و به‌رده‌وام له‌ ڕێگه‌ی چه‌ند که‌سایه‌تییه‌که‌وه‌ سه‌رقاڵی په‌یداکردنی کتێب و سه‌رچاوه‌یه‌ بۆ کتێبخانه‌که‌ی.

PUKmedia