پرسه‌نامه‌ی مه‌كته‌بی راگه‌یاندن بۆ كۆچی دوایی رۆژنامه‌نوس سه‌فین ئه‌حمه‌د

مه‌كته‌بی راگه‌یاندنی یه‌كێتیی نیشتمانیی كوردستان بۆ كۆچی دوایی رۆژنامه‌نوس سه‌فین ئه‌حمه‌د پرسه‌نامه‌یه‌ك ئاڕاسته‌ی خانه‌واده‌كه‌ی ده‌كات.

ده‌قی پرسه‌نامه‌كه‌..
به‌‌ڕێزان خێزان و خانه‌واده‌ی كۆچكردوو كاكه‌ سه‌فین
به‌بیستنی هه‌واڵی كۆچی دوایی رۆژنامه‌نوس (سه‌فین ئه‌حمه‌د)، دڵگران و نیگه‌ران بووین. 

كۆچكردوو (سه‌فین ئه‌حمه‌د) رۆژنامه‌نوسێكی خه‌مخۆر و به‌ئه‌مه‌ك و دڵسۆزی مه‌كته‌بی رایگه‌یاندنی یه‌كێتیی نیشتمانیی كوردستان بوو، كۆچكردنی جێگای داخێكی گه‌وره‌یه‌.

به‌م بۆنه‌ خه‌مناكه‌وه‌ پرسه‌و سه‌ره‌خۆشی ئاراسته‌ی خۆمان و خێزان و خانه‌واده‌و رۆژنامه‌نوسان ده‌كه‌ین و هاوبه‌شی ئه‌م خه‌مه‌ گه‌وره‌یه‌ین.
خوای گه‌وره‌ له‌كاكه‌ ( سه‌فین) خۆش بێت و جێگای به‌هه‌شتی به‌رین بێت، سه‌بوریی و دڵنه‌واییش به‌خانه‌واده‌ سه‌ربه‌رزه‌كه‌ی ببه‌خشێت.
انا لله و انا الیه‌ راجعون

مه‌كته‌بی راگه‌یاندنی یه‌كێتیی نیشتمانیی كوردستان

PUKmedia تایبه‌ت