قوباد تاڵەبانی:كە‌سوكاریان بە‌شداربن لەھە‌ڵدانە‌وە‌و ھێنانە‌وە‌ی روفاتی ئەنفالكراوان

قوباد تاڵەبانی جێگری سەرۆكی ئەنجومەنی وەزیران، ئەمڕۆ 16ی ئایاری 2022، بەئامادەبوونی عەبدوڵڵا حاجی مەحمود وەزیری كاروباری شەهیدان و ئەنفالكراوان پێشوازیكرد لەژمارەیەك لە‌ كەسوكاری سەربەرزی شەهیدان و ئەنفالكراوان. 
لەو دیدارەدا گفتوگۆكرا لەبارەی هەندێ داواكاری رەوای كەسوكاری شەهیدان و ئەنفالكراوان بەتایبەت پرسی هێنانەوەی رووفاتی پیرۆزی ئەنفالكراوان، سەرباری تاووتوێكردنی دۆزینەوەی میكانیزمێكی گونجاو بۆ پرسی چۆنێتی ئەنجامدانی پشكنینی DNA بۆ كەسوكاری شەهیدان و ئەنفالكراوان بەمەبەستی ناساندنەوەو هێنانەوەی رووفاتی پیرۆزی ئەنفالكراوان.
قوباد تاڵەبانی جێگری سەرۆكی ئەنجومەنی وەزیران جە‌ختیكردە‌وە‌ كە‌ پشتیوانی داوا رەواكانیانەو داواشی لە‌ وە‌زارە‌تی شە‌ھیدان كرد بۆ لە‌مە‌ولا نوێنە‌ری رێكخراوە‌كانی تایبە‌ت بە‌پرسی شە‌ھیدان و ئە‌نفالكراوان و نوێنە‌ری كە‌سوكاری ئە‌نفالكراوان بە‌شدار بن لە‌پرۆسە‌ی ھە‌ڵدانە‌وە‌و ھێنانە‌وە‌ی روفاتە‌كانی ئە‌نفالكراوان بۆ زێدی خۆیان.

PUKmedia