تاقیكردنەوەكانی وەرزی دووەمی سەرجەم قۆناغە ناكۆتاكان دەستیپێكرد

تاقیكردنەوەكانی وەرزی دووەمی سەرجەم قۆناغە ناكۆتاكان دەستیپێكرد.
بە بەشداری نزیكەی دوو ملیۆن خوێندكار تاقیكردنەوەكانی وەرزی دووەمی سەرجەم قۆناغە ناكۆتاكان و وەرزی دووەمی قۆناغی دوانزەی ئامادەیی لە سەرجەم پارێزگاكانی هەرێمی كوردستان دەستیپێكرد و بڕیارە تا 17ی ئەم مانگە تاقیكردنەوەكان بەردەوام بن، ئەمەش لە كاتێكدایە پێشتر قۆناغەكانی بازنەی یەكەم كە پۆلەكانی (1-2-3) دەگرێتەوە لە كۆتایی مانگی نیسان هەڵسەنگاندنی كۆتاییان بۆ ئەنجامدرابوو، ساڵنامەی خوێندن لە خوێندنگاكانی هەرێمی كوردستان دابەشكراوە بەسەر دوو وەرزی خوێندندا و تاقیكردنەوەكانی وەرزی دووەم دەبنە تاقیكردنەوەی كۆتایی پۆلە ناكۆتاكان و لەلایەكیترەوە هەردوو قۆناغی نۆی بنەڕەتی و دوانزەی ئامادەیی تاقیكردنەوە نیشتیمانییەكان وەك كۆتا تاقیكردنەوەی ئەمساڵی خوێندن ئەنجام دەدەن.

PUKmedia