كەسوكاری ئەنفالكراوان: جاش و خۆفرۆشەكان پلەو پۆستیان لەئێمە بەرزترە
کوردستان 10:05 AM - 2022-04-14
كەسوكاری شەهیدان و ئەنفالكراوان لەساڵیادی تاوانی ئەنفالدا رایدەگەیەنن: ئەوانەی بەشداربوون لەئەنفالكردنی كەسوكاریان لەحكومەتی هەرێمدا پلەیان لەپێشمەرگە دڵسۆزەكان و كەسوكاری شەهیدان بەرزترەو لەناو لایەنیشدا پلەو پۆستی بەرزو بەرپرسیارێتیان پێدەدرێت، دەشڵێن: پێویستە ئەنفال وەك كەیسێكی نیشتمانی سەیربكرێت.
ئەمڕۆ 14-4-2022، لە یادی 34 ساڵەی كارەساتی ئەنفالدا، لەگەرمیان كەسوكاری سەربەرزی شەهیدان و ئەنفالكراوان لە كۆنگرەیەكی رۆژنامەوانیدا رایانگەیاند:پێشتر لە قۆناغە جیاجیاكاندا بەڕێپێوان و خۆپیشاندانی هێمنانەوە و دیداری سەرۆك كۆمارو سەرۆكی هەرێم و هەردوو پەرلەمانی هەرێمی كوردستان و عیراق و ئەنجومەنی وەزیرانی حكومەتی هەرێم و وەزارەتی كاروباری شەهیدان و ئەنفالكراوان، بۆ جێبەجێكردنی داواكارییەكانمان و جێبەجێكردنی بڕیارەكانی دادگای باڵای تاوانەكانی عیراق سەبارەت بە كارەساتەكانی ئەنفال و كیمیابارانی هەڵەبجە فشاری گەورەمان لەسەر حكومەت دروستكردوە بۆ گرتن و دەستگیركردنی جاش و مستەشار و داواكراوەكان.
راشیانگەیاند: ئەوەی جێگای نیگەرانییە پێشتر حكومەتی هەرێم لەسەر ئاستی عیراق سەنگ و قورسایی هەبوو، كابینە یەك لەدوای یەكەكانی هەرێمیش دەرفەتی زۆریان لەپێش بوو بۆ كاركردن لەسەر كەیسی جینۆسایدی گەلی كورد بۆ ئەوەی ئاسودەیی ببەخشنە خانەوادە رەشپۆش و جگەرسوتاوەكانی شەهیدان و ئەنفالكراوان، نەك هەر ئەمەیان نەكرد، بەڵكو زۆر دەرفەتی زێڕینیان لەدەستدا، گلەیی و ناڕەزایەتی كەسوكاری ئەنفالكراوان رۆژ لەدوای رۆژ زیاتر دەبێت و لەپەرەسەندندایە.
دەشڵێن: خۆفرۆشەكان خۆیان و نەوەكانیان پێگەیان لە پێشمەرگە دڵسۆزەكان و كەسوكاری شەهیدانی سەنگەرو ئەنفالكراوان و كیمیاباران بەرزترەو لایەنیش هەیە پلەو پۆستی بەرزی پێداون و ئێستا تاوانبارانی ئەنفال پێگەی كۆمەڵایەتیان بەهێزدەكرێت.
ئەوەشیان وت: بەهۆی نیگەرانییەكانمانەوە لەگەرمیان و لە یادی ئەنفالدا بەشداری ئەو یادە ناكەین كە حكومەتی رێكیخستوە، ئەمانەش پەیامی گەورەن بەگوێی حكومەتدا دەدرێت بۆیە پێویستە ئەنجومەنی وەزیران و وەزارەتی شەهیدان بەپەلە بێنەسەرخەت و كۆنفڕانسێكی گشتی بۆ شارەزایان و یاسا ناسان و چالاكوانان و نوسەران و رێكخراوانی بواری جینۆساید رێكبخەن بۆ دۆزینەوەی دەرچەیەك بۆ دەربازبوون لەو دۆخە چەقبەستووەی جینۆسایدی گەلی كورد.
PUKmedia تایبەت
هەواڵی زیاتر
-
هاوخەمییەکان بۆکۆچیدوای فەرماندەی دێرین حەسەن ئەحمەد
11:14 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18
ئەمانەش ببینە
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
05:56 PM - 2024-04-19
پەرلەمانتارە غائیبەکان 160 ملیۆن دینار سزادران
10:43 AM - 2024-04-19
داهاتی هەفتەی رابردووی سلێمانی زیاتر لە 7 ملیار دینارە
09:09 AM - 2024-04-19
ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
05:05 PM - 2024-04-18
زۆرترین خوێنراو
-
هاوخەمییەکان بۆکۆچیدوای فەرماندەی دێرین حەسەن ئەحمەد
پرسەنامە 11:14 PM - 2024-04-19 -
قوباد تاڵەبانی: ئارامی سلێمانی هێڵی سوورە
کوردستان 08:59 PM - 2024-04-19 -
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
کوردستان 05:56 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
کوردستان 02:02 PM - 2024-04-19 -
پێشمەرگەی دێرین سەردار محەمەد بەسەردەکرێتەوە
ی ن ک 01:01 PM - 2024-04-19 -
پەرلەمانتارە غائیبەکان 160 ملیۆن دینار سزادران
عیراق 10:43 AM - 2024-04-19 -
داهاتی هەفتەی رابردووی سلێمانی زیاتر لە 7 ملیار دینارە
کوردستان 09:09 AM - 2024-04-19