سهرۆكی پهرلهمان: یادی ئهنفال بكهینه سهرهتایهكی نوێ بۆ بهخۆداچوونهوه
کوردستان 10:03 AM - 2022-04-14
د. ڕێواز فائق رایگهیاند: ئهنفال برینێكه (٣٤) ساڵه خوێنی لێدهچۆڕێت و لهدهروونی كهسوكارو ههمووماندا ساڕێژ نابێت.
له (٣٤)همین ساڵڕۆژی ئهنفالدا سهری ڕێز و وهفاداری بۆ سهرجهم شههیدانی جینۆسایدی ئهنفال دادهنهوێنین، ئهنفال برینێكه (٣٤) ساڵه خوێنی لێدهچۆڕێت و له دهروونی كهسوكار و ههمووماندا ساڕێژ نابێت، ئهم مێژووه ڕهشه له یاد و یادهوهریی مرۆڤی كورددا مێژوویهكی هێنده پڕ له ئازار و مهینهتییه كه لێكهوت و كاریگهرییهكانی بۆ ههتا ههتایه له هزر و ویژدانی گهلهكهماندا دهمێنێتهوه، ئهنفال له بنهڕهتدا تاوانێكی پلان بۆ داڕێژراوی ههمهلایهیهنه بوو، بۆ سڕینهوه و جینۆسایدكردنی خهڵكی كوردستان، لهناوبردنی ١٨٢ ھهزار مرۆڤی بێتاوان و سڤیل، وێرانكردنی ههزاران گوند و سووتاندنی ههزاران دۆنم ڕهزو باخ و كانی و ئاو و ژینگهی كوردستان، تاوانێكه كه ههرگیز كاریگهرییه ئابووری و كۆمهڵایهتییهكانی كۆتایی نایهت.
ئهنفال پرۆسهیهكه هاوشێوهی سهرجهم ئهو جینۆسایدانهی كه له مێژوودا بهرامبهر به میللهتهكهمان ئهنجام دراوه لهلایهن ڕژێمه یهك لهدوای یهكهكانی عێراقهوه، ئهو تاوانهی كه تهنیا له مێژوودا نهوهستاوه و ههمیشه به فۆرم و شێوازی جۆراوجۆر خۆی دووباره كردووهتهوه.
له پرۆسهی ئهنفالدا دوژمنان جیاوازییان نهكرد لهنێوان پێكهاته جیاوازهكانی گهلی كوردستاندا، لهنێوان ڕهنگ و دهنگه جیاوازهكاندا، گهلی كوردستانیش به كۆدهنگی و یهكگرتووییهوه توانیی بهسهر ههموو ئهو تاوان و مهرگهساته تراژیدییانهدا سهركهوێت.
ئهمڕۆ لهم یاده پڕ له ئازارو تراژیدیایهدا له ههموو كات زیاتر پێویستمان به جهستهیهكی یهكگرتوو و گوتارێكی نیشتمانی و ههنگاوێكی عهقڵانییه بۆ سهركهوتن بهسهر ههموو ئهو ڕووداو و گۆڕاِنكاری و پێشهاتانهدا كه دێنه پێش، ئهویش لهپێناو بهدیهێنانی ئامانجه ستراتیژی و نیشتمانییهكانی گهلهكهمان و هێنانهدیی خهون و ئاواتهكانی شههیدان و ئهنفالكراوان.
دهبێت یادی ئهنفال بكهینه سهرهتایهكی نوێ بۆ بهخۆداچوونهوه، یهكگرتوویی و هاوههڵوێستی بۆ سهرجهم پرسه چارهنووسسازهكان. لهسهر ئاستی نێودهوڵهتی و ناوهخۆییشدا جارێكی دیكه ئهم مێژووه شهرمهێنهره وهبیر كۆمهڵگهی نێودهوڵهتی بهێنینهوه، بۆ شهرمهزاركردن، به جینۆسایدناساندنی و قهرهبووكردنهوهی مادی و مهعنهویی زیانلێكهوتووانی ئهم تراژیدیایه و كهسوكارهكانیان.
پێویسته لهسهر حكوومهتی ههرێمی كوردستان بهپیر ئهو ڕاسپاردانهوه بێت كه له ڕابردوودا لهلایهن لێژنهی كاروباری شههیدان و جینۆساید و زیندانیانی سیاسی، ئاراستهی حكوومهتیان كردووه، بهمهبهستی خزمهتكردنی زیاتری ناوچه زیانلێكهوتووهكان.
نهمری بۆ شههیدان، نهفرهت له تاوانكارانی مهرگهساتی ئهنفال و جینۆسایدی خهڵكی كوردستان.
د. ڕێواز فائق
سهرۆكی پهرلهمانی كوردستان
٢٠٢٢/٤/١٤
PUKmedia تایبهت
هەواڵی زیاتر
-
هاوخەمییەکان بۆکۆچیدوای فەرماندەی دێرین حەسەن ئەحمەد
11:14 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18
ئەمانەش ببینە
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
05:56 PM - 2024-04-19
پەرلەمانتارە غائیبەکان 160 ملیۆن دینار سزادران
10:43 AM - 2024-04-19
داهاتی هەفتەی رابردووی سلێمانی زیاتر لە 7 ملیار دینارە
09:09 AM - 2024-04-19
ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
05:05 PM - 2024-04-18
زۆرترین خوێنراو
-
هاوخەمییەکان بۆکۆچیدوای فەرماندەی دێرین حەسەن ئەحمەد
پرسەنامە 11:14 PM - 2024-04-19 -
قوباد تاڵەبانی: ئارامی سلێمانی هێڵی سوورە
کوردستان 08:59 PM - 2024-04-19 -
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
کوردستان 05:56 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
کوردستان 02:02 PM - 2024-04-19 -
پێشمەرگەی دێرین سەردار محەمەد بەسەردەکرێتەوە
ی ن ک 01:01 PM - 2024-04-19 -
پەرلەمانتارە غائیبەکان 160 ملیۆن دینار سزادران
عیراق 10:43 AM - 2024-04-19 -
داهاتی هەفتەی رابردووی سلێمانی زیاتر لە 7 ملیار دینارە
کوردستان 09:09 AM - 2024-04-19