رێژه‌ی ده‌نگده‌ران له‌ فه‌ره‌نسا كه‌م ده‌كات

بنكه‌كانی ده‌نگدان له‌شارێكه‌وه‌ بۆ شارێكیتر ده‌گۆڕدرێت ، له‌ سه‌عات 6 ی ئێواره‌وه‌  هه‌ندێك شار  بنكه‌كان  داده‌خه‌ن و هه‌ندێكی تریان سه‌عات 7 ی ئێواره‌ و شاره‌ گه‌وره‌كانیش وه‌ك پاریس و ستراسبوورگ و لییون و مارسیلییا و بۆردۆ  و نانت و گرۆنۆبل و شاره‌كانی تر ، سه‌عات  8 ی ئێواره‌  داده‌خرێن، واتا ئه‌مشه‌و سه‌رئه‌نجامی خوولی یه‌كه‌م بۆ هه‌ڵبژاردنه‌كانی سه‌رۆكایه‌تی فه‌ڕه‌نسا ئاشكرا ده‌بێت .

ئه‌وه‌ی جێی ئاماژه‌یه‌،  كه‌  له‌ 26.5 ٪ له‌  فه‌ڕه‌نسیه‌كان  نه‌چوون بۆ ده‌نگدان و ده‌نگیان نه‌داوه‌ ، ئه‌م ڕاژه‌یه‌ش  به‌ به‌راوورد له‌گه‌ڵ  ساڵه‌كانی تردا  له‌ هه‌ڵكشاندایه‌و میدییاكان  زۆر به‌ گرنگیی باسی لێوه‌ده‌كه‌ن .

هه‌موو كاندیده‌كان له‌فه‌رمانگه‌ی  تایبه‌ت به‌ هه‌ڵمه‌ته‌وی ده‌نگدان  كۆ بوونه‌ته‌وه‌  و  به‌په‌رۆشه‌وه‌ چاوه‌ڕوانی سه‌رئه‌نجامه‌كان ده‌كه‌ن .

دوێنێ له‌ دوورگه‌كانی  ئه‌ودیو ده‌ریا  كه‌ سه‌ر به‌ئیداره‌ی  فه‌ڕه‌نسین ، ده‌نگیانداوه‌، به‌ڵام سه‌رئه‌نجامه‌كان  تاسه‌عات 8 ی ئه‌م ئێواره‌یه‌ قه‌ده‌غه‌یه‌ئاشكرا بكرێت و هه‌مووی  پێكڕا له‌گه‌ڵ ده‌نگه‌كانی فه‌ڕه‌نسادا له‌هه‌مان كاتدا بڵاوئه‌كرێته‌وه‌، به‌هه‌مان شێوه‌ هه‌موو ئه‌و فه‌ڕه‌نسیانه‌ی له‌ ده‌ره‌وه‌ی  وڵات  ده‌ژین  له‌ ڕێگای  باڵوێزخانه‌كانی فه‌ڕه‌نساوه‌  ده‌نگیانداوه‌، به‌هه‌مان شێوه‌ سه‌عات 8 سه‌رئه‌نجامه‌كان ئاشكرا ده‌كرێت .

ئه‌وه‌ی  كه‌ زۆر گرنگه‌ به‌ به‌راوورد له‌گه‌ڵ ساڵی 2017 دا  به‌نزیكه‌ی له‌ 5٪  نه‌چوون بۆ ده‌نگدان زیادیكردوه‌ ، ساڵی 2017 له‌ 22٪  نه‌چوون بۆ ده‌نگدان ، ئه‌مساڵ له‌ 26.5  ٪ ده‌نگیان نه‌داوه‌ .

PUKmedia حه‌مه‌ عوسمان  / فه‌ڕه‌نسا