سلێمانی پاڵەوانێتییەكی باسكەی نێودەوڵەتی لە ئامێز دەگرێت

بۆ یەكەمجار لە مێژوودا، شاری سلێمانی كەرنەڤاڵێكی نێودەوڵەتی باسكە لە ئامێز دەگرێت.

رزگار محەمەد رەئوف راهێنەری هەڵبژاردەی باسكەی عیراق بۆ كچان و رێكخەری پاڵەوانێتییەكە لە لێدوانێكی رایگەیاند: سازدانی یەكەمین پاڵەوانێتی نێودەوڵەتی كچان لە سلێمانی بۆ یاری 3x3 لە كۆتایی ئەم مانگە لە شاری سلێمانی بە بەشداری شەش تیپ دەبێت لە رۆژانی 31-3 بۆ 2-4 لە ناو فامیلی مۆڵ .

وتیشی: ئامادەكارییەكان بەرەو كۆتایی دەچن و یەكێتیی تۆپی باسكەی جیهان ئاگادارە لەم پاڵەوانێتییە و لە رۆژانی داهاتووش دوو تیپ لە وڵاتی ئێرانەوە دەگەنە شاری سلێمانی .

راشیگەیاند: پاڵەوانێتییەكە كراوە دەبێت بۆ تەماشاكردنی بینەران و مەبەستمانە ئاستی كچە كوردەكانیشمان ببینن كە ماوەیەكی زۆرە لە مەشقی زانستی چڕن و چاوەڕێی ئەنجامی گەورەیان لە پاڵەوانێتییەكەدا لێ دەكرێت.

PUKmedia هەرێز جەمال