مامۆستایانی وانەبێژ بایكۆتی دەوامیان راگەیاند

ئەمڕۆ 12ی 3ی 2022 لەبەردەم باخی گشتی شاری سلێمانی مامۆستایانی وانەبێژی سنورەكە گردبوونەوەیەكیان ئەنجامداو بایكۆتی هۆڵەكانی خوێندنیان راگەیاند.
مامۆستایانی وانەبێژ لە كۆنگرەیەكی رۆژنامەوانیدا كە پەیامنێری PUKmedia  ئامادەبوو رایانگەیاند: ماوەی سێ مانگە شایستە داراییەكانیان وەرنەگرتووە، لەكاتێكدا بەشێكی زۆریان لە دەرەوەی شار دەوام دەكەن.
ئەوەشیان خستەڕوو: تا گرفتەكانمان و موچەكانمان پێ نەدرێت ناچینەوە هۆڵەكانی خوێندن، لەبایكۆتكردن بەردەوام دەبین.
ماوەی چەند ڕۆژێكە لەشاری سلێمانی و دەوروبەری بەهۆی دواكەوتنی مووچەكانیانەوە چەندین بەڕێوەبەرایەتی و خوێندنگاكان بایكۆتی دەوامیان راگەیاندووە.
PUKmedia جەمال سەرگەتی – فۆتۆ: شاد ئیبراهیم