riklam

یه‌كێتی مامۆستایان له‌باره‌ی دواكه‌وتنی مووچه‌ هۆشداری ده‌دات

کوردستان 08:25 PM - 2022-03-02

لێپرسراوێكی یه‌كێتی مامۆستایانی كوردستان نایشارێته‌وه‌ دواكه‌وتنی مووچه‌ كاریگه‌ری له‌سه‌ر پڕۆسه‌ی خوێندن و ئاستی خوێندكاران ده‌بێت، راشیده‌گه‌یه‌نیت: تاكو ئێستا مامۆستایان به‌رده‌وامن له‌ جێبه‌جێكردنی ئه‌ركه‌كانیان و بایكۆتیان رانه‌گه‌یاندووه‌، له‌گه‌ڵ ئه‌وه‌ش پێویسته‌ مافه‌كانیان وه‌ربگرن، به‌پێچه‌وانه‌وه‌ دواكه‌وتنی مووچه‌كانیان له‌داهاتوو  كاریگه‌رییه‌كانی ده‌رده‌كه‌وێت.

عیسا حسێن سه‌رۆكی  لقی هه‌ولێری یه‌كێتی مامۆستایانی كوردستان به‌ PUKmedia ی راگه‌یاند: ئه‌گه‌رچی دواكه‌وتنی مووچه‌ی مامۆستایان و خراپی په‌یوه‌ندییه‌كانی هه‌رێم و به‌غدا كاریگه‌ری له‌سه‌ر ژیانی هاوڵاتیان به‌گشتی و مامۆستاتان به‌تایبه‌تی و پڕۆسه‌ی خوێندن ده‌بێت، به‌ڵام به‌هۆی ئه‌وه‌ی دواكه‌وتنی مووچه‌ ته‌نیا چه‌ند رۆژێكه‌، له‌كاتی ئێستا هیچ مامۆستایه‌ك بایكۆتی ده‌وامی خوێندنی رانه‌گه‌یاندووه‌.

وتیشی: بۆ ئه‌وه‌ی پڕۆسه‌ی خوێندن به‌شێوه‌یه‌كی ئاسایی بڕوات،  پێویسته‌ حكومه‌ت مووچه‌ی مامۆستایان و مووچه‌خۆران دابین بكات، به‌تایبه‌تی ئێستا ده‌بینین نرخی نه‌وت به‌رزبۆته‌وه‌ و داهاتی ناوخۆ زیاتر بووه‌، بۆیه‌ ناڕه‌زایی مامۆستایان و مووچه‌خۆران به‌گشتی،  له‌وه‌ سه‌ر چاوه‌ ده‌گرێت كه‌ حكومه‌ت كێشه‌ی پاره‌ی نییه‌، به‌ڵكو كێشه‌ی ئیداره‌دان و شه‌فافیه‌تی له‌داهات و  خه‌رجیه‌كان هه‌یه‌.

سه‌رۆكی لقی هه‌ولێر  یه‌كێتی مامۆستایان  ئاماژه‌ی به‌وه‌شكرد: پێویسته‌ رێگا نه‌درێ به‌هۆی دواكه‌وتنی مووچه‌ پڕۆسه‌ی خوێندن له‌هه‌رێمی كوردستان په‌كی بكه‌وێت، به‌تایبه‌تی له‌دوو ساڵی رابردوو به‌هۆی رێكاره‌كانی خۆپارێزی له‌ ڤایرۆسی كۆڕۆناوه‌،  زیانێكی زۆر به‌ پڕۆسه‌ی خوێندن و ئاستی خوێندكاران كه‌وت، كه‌ زۆر زه‌حمه‌ته‌ قه‌ره‌بوو بكرێته‌وه‌.

PUKmedia  ته‌ها عه‌بدوڵڵا

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket