پرسەی دایكی كۆسرەت رەسوڵ لە هەولێرو سلێمانی بەڕێوەدەچێت

تەرمی دایكی كۆسرەت رەسوڵ دەگەڕێنرێتەوە و لەگوندی شیواشۆك بەخاك دەسپێردرێت، لە هەولێر و سلێمانیش پرسەی بۆ دادەنرێت.

نووسینگەی رۆژنامەوانی كۆسرەت رەسوڵ عەلی رایگەیاند: سەرلەبەیانی رۆژی چوار شەممە، تەرمی خاتوو زوبێدە سەعید ئۆمەر دایكی كۆسرەت رەسوڵ دەگاتەوە هەرێمی كوردستان و لەگوندی شیواشۆك بەخاك دەسپێردرێت.

سەبارەت بەبەرنامەی مەراسیمی رۆژانی پرسەكەش نووسینگەی رۆژنامەوانی كۆسرەت رەسوڵ رایگەیاندووە: سەعات 10ی بەیانی رۆژی چوار شەممە 2-3-2022 تەرمی كۆچكردوو لە مەراسیمێكی تایبەتی جەماوەریدا لەگوندی شیواشۆك بەخاك دەسپێردرێت و دوانیوەڕۆی رۆژی چوار شەممەش  لە شاری هەولێر لە مزگەوتی سەواف پرسەكە بەڕێوەدەچێت.

ئەوەشی راگەیاندووە: دوانیوەڕۆی رۆژی پێنج شەممە لە مزگەوتی ئەحمەدی حاجی عەلی لە شاری سلێمانی پرسەی كۆچكردوو بەڕێوەدەچێت.

PUKmedia نووسینگەی رۆژنامەوانی كۆسرەت رەسوڵ عەلی