سه‌عدی پیره‌ سه‌ره‌خۆشی له‌ كۆسره‌ت ره‌سوڵ ده‌كات

بۆ كۆچی دوایی خاتوو (زوبێده‌ سه‌عید ئۆمه‌ر)، دایكی كۆسره‌ت ره‌سول عه‌لی سه‌رۆكی ئه‌نجومه‌نی باڵای سیاسی و به‌رژه‌وه‌ندییه‌كانی یه‌كێتیی نیشتمانیی كوردستان، سه‌عدی ئه‌حمه‌د پیره‌، بروسكه‌یه‌كی سه‌ره‌خۆشی ئاڕاسته‌ی كۆسره‌ت ره‌سوڵ كردووه‌، ئه‌مه‌ ده‌قه‌كه‌یه‌تی: 

برای به‌ڕێزم كاك كۆسره‌ت ره‌سول عه‌لی
سه‌رۆكی ئه‌نجومه‌نی باڵای سیاسی و به‌رژه‌وه‌ندییه‌كانی یه‌كێتیی نیشتمانیی كوردستان
 
به‌داخه‌وه‌ هه‌واڵی كۆچی دوایی دایكی به‌ڕێزتان خاتوو (زوبێده‌ سه‌عید ئۆمه‌ر)م بیست،له‌ دڵه‌وه‌ هاوبه‌شی خه‌م و په‌ژاره‌تانم ، سه‌ره‌خۆشی له‌ خۆمان و ته‌واوی بنه‌ماڵه‌ تێكۆشه‌ره‌كه‌تان ده‌كه‌م .

خاتوو زوبێده‌ یه‌كێك بوو له‌و ژنه‌ ئازایانه‌ی كه‌ به‌رگه‌ی هه‌موو خه‌م و ئازار و نه‌هامه‌تییه‌كانی  گرت ،له‌ ژیانیدا وه‌ك دایكێكی پێشمه‌رگه‌ رووبه‌رووی زه‌حمه‌ت و ماندووبوون و ئازارێكی زۆر بوویه‌وه‌ ، هه‌میشه‌ پشتیوانیه‌كی به‌هێزبوو بۆ رۆڵه‌كانی و سه‌رجه‌م هێزی پێشمه‌رگه‌ بۆ به‌رده‌وام بوون له‌ سه‌رخستنی شۆڕشی نوێی گه‌له‌كه‌مان .

 له‌خوای گه‌وره‌ داواكارم گیانی خوالێخۆشبووی دایكتان به‌ به‌هه‌شتی به‌رین شاد بكات و ئارامی و سه‌بوری به‌ ئێوه‌ و ئێمه‌ و خزمان و دۆستان ببه‌خشێت ، دوا خه‌می بنه‌ماڵه‌ تێكۆشه‌ره‌كه‌تان بێت

براتان
سه‌عدی ئه‌حمه‌د پیره‌
PUKmedia