مەكتەبی سیاسی: خاتوو زوبێدە لەكایەی تێكۆشاندا ئازار و ئاوارەیی چەشت

بۆ كۆچی دوایی خاتوو زوبێدە سەعید دایكی كۆسرەت رەسوڵ عەلی سەرۆكی ئەنجومەنی باڵای سیاسی و بەرژەوەندی یەكێتی، مەكتەبی سیاسی یەكێتیی نیشتمانیی كوردستان، پرسەنامەیەكی ئاڕاستەكرد و رایگەیاند، خاتوو زوبێدە  نمونەی ئەودایكانە بوو كەبەهۆی هەڵوێستی پڕ لەجوامێریی بەرێزتانەوە لە نێو كایەی شۆڕش و تێكۆشانی گەلەكەماندا لە لایەن رژێمە داگیركەرەكانەوە ئازار و مەینەتی و ئاوارەیی زۆری چەشت.

دەقی پرسەنامەكە...

هەڤاڵ/ كاك كۆسرەت سەرۆكی ئەنجومەنی باڵای سیاسی و بەرژەوەندی یەكێتیی نیشتمانیی كوردستان  

بەداخو پەژارەیەكی زۆرەوە هەواڵی كۆچی دوایی خاتوو زوبێدە سەعید ئۆمەری دایكی بەرێزتانمان پێگەیشت و لەناخی دڵمانەوە هاوبەشی پرسە و خەمی بەڕێزتان و گشت كەسوكارو خانەوادە تێكۆشەرەكەتانین. 

خاتوو زوبێدە نمونەی ئەودایكانە بوو كەبەهۆی هەڵوێستی پڕ لە جوامێریی بەرێزتان و كاك جەنگی براتانەوە لە نێو كایەی شۆڕش و تێكۆشانی گەلەكەماندا لە لایەن رژێمە داگیركەرەكانەوە ئازارو مەینەتی و ئاوارەیی زۆری چەشت بەڵام ئەوانە ورەی زیاتری  لە كۆڵنەدان بەئێوە بەخشی بۆ بەردەوامیتان لەو كاروانە  پڕ لە شانازییەی خەبات و تێكۆشان . 

جارێكی تر وێڕای هاوخەمیمان بۆ پرسە و ماتەمینیتان لە یەزدانی مەزن داواكارین ڕۆحی خاتوو زوبێدەی كۆچكردوو  بە بەهەشتی بەرین شاد بكات و سەبوری و ئارامیش بە بەرێزتان و كەسوكارو خانەوادە سەربەرزەكەتان ببەخشێت و دوا ناخۆشیتان بێت .

انا  لله  و انا  الیە  راجعون
مەكتەبی سیاسی
یەكێتیی نیشتمانیی  كوردستان

PUKmedia تایبەت