بەشی جێندەر لەنووسینگەی جێگری سەرۆكی حكومەت: خاوەندارێتی كەیسی شنیار دەكەین
کوردستان 12:32 PM - 2022-02-21
ئاشتی عەبدوڵڵا لێپرسراوی بەشی جێندەر لەنووسینگەی جێگری سەرۆكی حكومەت رایدەگەیەنێت، خۆمان بە خاوەنی كەیسی شنیار هونەر دەزانین و ئامادەی هەموو هاوكارییەكین.
بەشی جێندەر لەنووسینگەی قوباد تاڵەبانی جێگری سەرۆكی حكومەت سەردانی شنیار هونەر یان لە نەخۆشخانەی سووتاوی سلێمانی كرد، كە لەلایەن مێردەكەیەوە سووتێنرا، ئاشتی عەبدوڵڵا لێپرسراوی بەشی جێندەر لەنووسینگەی جێگری سەرۆكی حكومەت رایگەیاند: ئێمە خۆمان بە خاوەنی ئەم كەیسە دەزانین و ئامادەی هەموو هاوكارییەكین.
وتیشی: هەوڵەكانی دەزگا ئەمنییەكان و پۆلیسی سلێمانی بەرز دەنرخێنین كە توانیان لە ماوەیەكی كەمدا تۆمەتباری رووداوەكە دەستگیر بكەن و بەڕێوەبەری پۆلیسی سلێمانیش لەگەڵ جێگری سەرۆكی حكومەت بەردەوام لەسەر هێڵە بۆ ئەوەی كەیسەكە رێڕەوی یاسایی خۆی وەربگرێت.
هاوكات سەركەوت عومەر بەڕێوەبەری بەڕێوەبەرایەتی بەرەنگاربوونەوەی توندوتیژی دژی ژنان رایگەیاند: ئەو ژن و مێردە پێشتر كێشەیان هەبووە و جارێك بۆ ئەو مەبەستە پەیوەندی بە بەرەنگاربوونەوەی توندوتیژی دژی ژنان كردووە بەڵام، بە رەسمی سكاڵای تۆمار نەكردووە، گەر سكاڵای تۆماربكردایە و رێكاری پێویست بگیرایەتەبەر رەنگە ئەم رووداوە نەخوازراوە رووینەدایە.
وتیشی: داوا لە ژنان دەكەین لەكاتی كێشەكانیادا پەنا ببنە بەر دادگای تایبەت بە توندوتیژی دژی خێزانی و نووسینگەكانی بەرەنگاربوونەوەی توندوتیژی دژی خێزانی، لە رابردووشدا سەدان كێشەمان چارەسەر كردووە.
سەعات 12ی شەوی 19-2-2022، لە گەڕەكی كوردسات لە سلێمانی، شنیار هونەری تەمەن 21 ساڵ لەلایەن مێردەكەیەوە سووتێنرا و دەستبەجێ رەوانەی نەخۆشخانەی سووتاوی سلێمانی كرا، بەپێی وتەی پزیشكەكان، 85% ی جەستەی سووتاوە و باری تەندروستی ناجێگیرە، بەوتەی ژنە سووتاوەكەش، پێش رووداوەكە مێردەكەی ماددەی سەرخۆشكەری بەكارهێناوە، دووای رووداوەكەش مێردەكەی بەرە و سنووری ئێران هەڵهات و پاشان دەستگیركرا.
PUKmedia تایبەت
هەواڵی زیاتر
-
هاوخەمییەکان بۆکۆچیدوای فەرماندەی دێرین حەسەن ئەحمەد
11:14 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18
ئەمانەش ببینە
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
05:56 PM - 2024-04-19
پەرلەمانتارە غائیبەکان 160 ملیۆن دینار سزادران
10:43 AM - 2024-04-19
داهاتی هەفتەی رابردووی سلێمانی زیاتر لە 7 ملیار دینارە
09:09 AM - 2024-04-19
ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
05:05 PM - 2024-04-18
زۆرترین خوێنراو
-
هاوخەمییەکان بۆکۆچیدوای فەرماندەی دێرین حەسەن ئەحمەد
پرسەنامە 11:14 PM - 2024-04-19 -
قوباد تاڵەبانی: ئارامی سلێمانی هێڵی سوورە
کوردستان 08:59 PM - 2024-04-19 -
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
کوردستان 05:56 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
کوردستان 02:02 PM - 2024-04-19 -
پێشمەرگەی دێرین سەردار محەمەد بەسەردەکرێتەوە
ی ن ک 01:01 PM - 2024-04-19 -
پەرلەمانتارە غائیبەکان 160 ملیۆن دینار سزادران
عیراق 10:43 AM - 2024-04-19 -
داهاتی هەفتەی رابردووی سلێمانی زیاتر لە 7 ملیار دینارە
کوردستان 09:09 AM - 2024-04-19