پەرستگا و جێگا شوێنەوارییەكانی هەرێم نوێدەكرێنەوە

ئەمەل جەلال سەرۆكی دەستەی گشتی گەشتوگوزاری هەرێم پێشوازی لە محەمەد مونزیر بەڕێوەبەری هەرێمی كۆمەڵەی بانكە تایبەتەكانی عیراق و لە كۆبوونەوەكەیاندا، ئاماژە بەوەكرا، پاش رێككەوتنی هەردوولا دەتوانرێت لە داهاتوودا كاری هاوبەش و هەماهەنگی هەبێت.

هاوكات لەكۆبونەوەكەدا باسی لە پێدانی قەرزی پڕۆژەی گەشتیاری كرد كە دەتوانن وەبەرهێنەران بەدەستیبهێنن و زیاتر گرنگی بە ژێرخانی ئەم بوارە بدرێت.

ئاشكراشیكرد، لەئێستادا دەستیان بە نوێكردنەوەی پەرستگای لالشی ئێزیدیان كردووە و هەر شوێن و پەرستگایەتی تر كە دەستەی گشتی گەشتوگوزار بۆیان دیاری بكات، ئەوان لەسەر ئەرك و بودجەی خۆیان نوێی دەكەنەوە، پلانیان هەیە بۆ نوێكردنەوەی پێشانگای نێودەوڵەتی شاری هەولێر، بە شێوازێكی مۆدێرن و سەردەمیانە.

PUKmedia تایبەت