یارییەكی تۆپی پێی كوژراوی لێدەكەوێتەوە

ژمارەی كوژراوانی یاريیەكەی نێوان هەڵبژاردەی كامیرۆن و جەزر قەمەر گەیشتە شەش كەس.

بەگوێرەی راپۆرتێكی ئاژانسی ئەسۆسیەیت پرێسی ئەمریكی، ژمارەی كوژراوانی شەڕ و پێكدادانی نێوان هاندەران لە پاڵەوانێتی كاسی نەتەوەكانی ئەفریقا، لە یاریگایەكی تۆپی پێی شاری یاوەندی پایتەختی كامیرۆن گەیشتە شەش كەس.

ئەسۆسیەیت پرێسی لە راپۆرتەكەیدا ئاماژەی بەوەشداوە، شەڕ و پێكدادانەكەی نێوان هاندەران لە یاری دوو هەڵبژاردە لە پاڵەوانێتی كاسی ئەفریقا روویدا و جگە لە كوژراوان 40 كەسی دیكە برینداربوون و رەوانەی نەخۆشخانە كراون.

دوێنێ دوو شەممە 24-1-2022، لە چوارچێوەی یارییەكانی ئۆڵۆمپیادی كاسی ئەفریقا، یارییەك لەنێوان هەڵبژاردەی كامیرۆن و جەزر قەمەر بەڕێوەچوو و لە دەروازەی یاریگاكەدا شەڕ و پێكدادان روویدا.

PUKmedia سەرچاوە.. ئەسۆسیەیت پرێس