}

پەرلەمابتارێك: دادگای فیدراڵ بڕیاری كۆتایی نادات

عیراق 10:34 PM - 2022-01-24

پەرلەمانتارێكی عیراق پێشبینی دەكات لەدانیشتنی سبەی دادگای فیدراڵ هیچ بڕیارێكی یەكلاكەرەوە نادات، كە پەیوەندی بەشەرعی بوونی یەكەم كۆبونەوەی ئەنجومەنی نوێنەرانەوە هەیە، پێشیوایە دادگای ناوبراو دەرفەتی زیاتر دەداتە لایەنەسیاسیەكان بۆ رێككەوتن.
د.گەیلان قادر ئەندامی ئەنجومەنی نوێنەران بە PUKmediaی راگەیاند: وەك لەدانیشتنی رابردوو بڕیاردرا، سبەی سێشەممە 25ی 1ی 2022 دووەم دانیشتنی دادگای فیدراڵ لەبارەی شەرعیبوونی یەكەم دانیشتنی ئەنجومەنی نوێنەران بەڕێوەدەچێت.
وتیشی: بەهۆی ئەوەی تائێستا لایەنە سیاسیەكانی عیراق لەبارەی پڕۆسەی سیاسی و  پێكهێنانی حكومەت نەگەیشتوون بەڕێككەوتن، چاوەڕواندەكرێت ئەو دانیشتنەش هاوشتوەی دانیشتنی یەكەم بەبێ هیچ بڕیارێك دوابخرێت.
ئەو ئەندامەی ئەنجومەنی نوێنەران ئاماژەی بەوەشكرد: دواخستنی دانیشتنەكانی دادگای فیدراڵ. زیاتر بۆ ئەوەیە دەرفەتی زیاتر بدرێت بەلایەكان،  تاكو بگەن بەرێكەوتنێكی هاوبەش لەبەرژەوەندی گشتی بێت و ببێتە هۆی سەقامگیری.
جێی ئاماژەیە لە یەكەم دانشتنی خولی پێنجەمی ئەنجومەنی نوێنەران كەلە 9/1/2022 بەڕێوەچوو،  پەرلەمانتاران سوێندی یاساییان خواردو دەستەی سەرۆكایەتی هەڵبژێردران، كەچی بەهۆی تەواونەكردنی دانیشتنەكە لەلایەن بەتەمەن ترین ئەندام، تانە لەو دانیشتنە درا، گوایە پێشێلكاری دەستوری تێداكراوە.
PUKmedia  تەها عەبدوڵڵا 

 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket