riklam

خوێندن له‌به‌شێك له‌قه‌زاو ناحییه‌كان و سه‌نته‌ری شاره‌كان راگیرا

کوردستان 08:13 PM - 2022-01-16

له‌و باره‌یه‌شه‌وه‌ په‌روه‌رده‌ی رۆژهه‌ڵات و رۆژئاوای سلێمانی رایانگه‌یاندوه‌، پاش رِاوێژمان له‌گه‌ڵ لایه‌نی په‌یوه‌ندیدارو له‌به‌ر نزم بوونه‌وه‌ی پله‌كانی گه‌رما له‌رِۆژانی داهاتووودا له‌به‌ر سه‌لامه‌تی منداڵان و قوتابیان له‌ باخچه‌كانی منداڵان و بازنه‌ی یه‌كه‌می قۆناغی بنه‌رِه‌تی (1 - 3) له‌سنووری به‌رِێوه‌به‌رایه‌تییه‌كانمان، له‌سبه‌ینێوه‌ دووشه‌ممه‌ ٢٠٢٢/١/١٧  ده‌وام رِابگرن.

هه‌ر له‌و باره‌یه‌وه‌ مه‌حمود حسێن به‌رِێوه‌به‌ری په‌روه‌رده‌ی پشده‌ر به‌ PUKmedia ی رِاگه‌یاند: به‌هۆی نزم بونه‌وه‌ی پله‌ی گه‌رماو بارینی به‌فر، ده‌وامی سه‌رجه‌م باخچه‌كانی ساوایان و یه‌ك تا 1ی بنه‌ڕه‌تی رابگرین.

وتیشی: سه‌باره‌ت خوێندنگه‌ ئاماده‌ییه‌كان، له‌هه‌ر كوێیه‌ك گرفت و ئاسته‌نگ بۆ هاتوچۆی خوێندكار و مامۆستایان دروست بوو تاقیكردنه‌وه‌ ئه‌نجامنادرێت و رِاسته‌وخۆ دوای پشووی تاقیكردنه‌وه‌كان تاقیكردنه‌وه‌كان ئه‌نجام ده‌درێته‌وه‌.

هه‌روه‌ها م.هاوار حه‌مید به‌رِێوه‌به‌ری په‌روه‌رده‌ی ده‌ربه‌ندیخان به‌ PUKmedia ی رایگه‌یاندوه‌، به‌هۆی هاتنی شه‌پۆلی سه‌رما، پاراستنی ته‌ندروستی منداڵان، برِیارماندا به‌ راگرتنی ده‌وامی باخچه‌كانی منداڵان و بازنه‌ی یه‌كه‌می قوتابخانه‌كان (یه‌كه‌م تا سێیه‌می بنه‌رِه‌تی) بۆ سبه‌ینێ دووشه‌ممه‌، 17/1/2022.

رانیه‌.. په‌روه‌رده‌كان سه‌رپشك ده‌كرێن
هه‌ر له‌وباره‌یه‌وه‌ په‌ردوه‌رده‌ی رانیه‌ رایگه‌یاندوه‌، به‌ھۆی گۆرِانی كه‌شوھه‌وا و ھاتنی شه‌پۆلێكی به‌فر و سه‌رما بۆ سنوره‌كه‌مان به‌رِاوێژ له‌گه‌ڵ ئیداره‌ی رِاپه‌رِین بۆ سه‌لامه‌تی گیان و ته‌ندروستی و  فێرخوازان و مامۆستایان برِیاریدا كه‌ :
١- رِاگرتنی ده‌وام له‌ سه‌رجه‌م باخچه‌كانی منداڵان له‌ سنوری په‌روه‌رده‌ی رِانیه‌.
٢- رِاگرتنی ده‌وام له‌ بازنه‌ی یه‌كه‌م له‌ سه‌رجه‌م ناوه‌نده‌كانی خوێندن له‌ سنوری په‌روه‌رده‌ی رِنیه‌ .
ده‌رباره‌ی  تاقیكردنه‌وه‌كان
سبه‌ی له‌ ته‌واوی سنوری په‌روه‌رده‌ی رِانیه‌ تاقیكردنه‌وه‌ی كۆتای وه‌رزی یه‌كه‌م به‌پێی خشته‌ی ناوه‌نده‌كانی خوێندن به‌رِێوه‌ده‌چێت و دوا ناخرێت ،به‌ڵام  په‌روه‌رده‌ی رِانیه‌ قوتابخانه‌كان له‌ناو گونده‌كان سه‌رپشك ده‌كات له‌دواخستنی تاقیكردنه‌وه‌كان له‌ئه‌گه‌ری گۆرِانی كه‌شو ھه‌وا بۆ ئاگاداریتان.

هه‌ر له‌وچوارچێوه‌یه‌شدا نه‌بیل حه‌مه‌ ساڵح  لێپرسراوی خۆیه‌تی میلاكات له‌ په‌روه‌رده‌ی شاره‌زوور به‌ PUKmedia  ی راگه‌یاند: پاش رِاوێژ له‌گه‌ڵ لایه‌نی په‌یوه‌ندیدار و له‌به‌ر نزم بونه‌وه‌ی پله‌كانی گه‌رما و پاراستنی سه‌لامه‌تی گیانی منداڵان و قوتابیان، برِیار درا له‌رِۆژی ٢٠٢٢/١/١٧ وه‌  ده‌وام له‌ باخچه‌ی منداڵان و قۆناغی یه‌كه‌می بنه‌رِه‌تی (١-٢-٣) بازنه‌ی یه‌كه‌م رِابگیرێت و له‌ رێكه‌وتی (٢٥-١-٢٠٢٢) ده‌وامیان ئاسایی ده‌بێته‌وه‌.

هه‌ڵه‌بجه‌ش پشووی بۆ پۆلی 1 تا 3 راگه‌یاند
هه‌روه‌ها په‌روه‌رده‌ی هه‌ڵه‌بجه‌ رایگه‌یاندوه‌، ئاگاداری قوتابخانه‌ بنه‌رِه‌تیه‌كان ده‌كه‌ین له‌ پۆله‌كانی( یه‌كه‌م ،دووه‌م ،سێیه‌م )ی بنه‌رِه‌تی و باخچه‌كانی منداڵانی سنوری به‌رِێوه‌به‌رایه‌تی گشتیمان، سبه‌ینێ رِۆژی (دوو شه‌ممه‌) به‌رواری (٢٠٢٢/١/١٧)پشووه‌، به‌هۆی ئه‌و شه‌پۆله‌ی به‌فروباران كه‌ناوچه‌كه‌مانی گرتۆته‌وه‌.
 له‌گه‌ڵ ئه‌وه‌شدا وه‌ئاگادارتان ده‌كه‌ین هه‌ر قوتابخانه‌یه‌ك هه‌ڵسه‌نگاندنی ماوه‌ له‌پۆله‌كانی (یه‌كه‌م ودووه‌م و سێیه‌می) بنه‌رِه‌تی ده‌توانن رِۆژی پاشتر هه‌ڵسه‌نگاندنه‌كانیان ئه‌نجام بده‌ن.
تێبینی : پۆله‌كانی (چواره‌می بنه‌رِه‌تی تا دوانزه‌ی ئاماده‌یی پشوو نایانگرێته‌وه‌و تاقی كردنه‌وه‌كانیان ئه‌نجام ده‌ده‌ن.

PUKmedia په‌یامنێران

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket