یونامی له‌سه‌رھێرشه‌ موشه‌كییه‌كان هاته‌ ده‌نگ

نوێنه‌رایه‌تی نه‌ته‌وه‌ یه‌كگرتووه‌كان له‌ عیراق، رایده‌گه‌یه‌نێت؛ هێرشه‌ مووشه‌كییه‌كان ھه‌وڵێكی دڵڕه‌قانه‌یه‌ بۆ تێكدانی ئاسایشی عیراق.

نوێنه‌رایه‌تی نه‌ته‌وه‌ یه‌كگرتووه‌كان له‌ عیراق (یونامی)، له‌ راگه‌یه‌نراوێكدا ته‌ئكدده‌كاته‌وه‌، ئه‌و ھێرشه‌ موشه‌كیانه‌ی كه‌ له‌ عیراقدا ئه‌نجام ده‌درێن، ھه‌وڵێكی دڵڕه‌قانه‌یه‌ بۆ تێكدانی ئاسایشی وڵاته‌كه‌.

یۆنامی له‌و راگه‌یه‌نراوه‌دا ئاماژه‌ی به‌وه‌شكردووه‌، موشه‌كه‌كان باڵیۆزخانه‌كان ده‌كه‌نه‌ ئامانج و ھاووڵاتییانی عیراق لێی زه‌ره‌رمه‌ند ده‌بن، ئاسایش و ئارامی دوو مه‌رجی سه‌ره‌كین بۆ چاره‌سه‌ركردنی ڕه‌وشی ناوخۆ كه‌ زۆر پێویسته‌ و جه‌ختكردنه‌وه‌یه‌ له‌ سه‌روه‌ریی عیراق.

PUKmedia یونامی