خانووە كەلەپوورییەكانی ئاكرێ نوێ دەكرێنەوە

خانووە كەلەپوورییەكانی ئاكرێ نوێ دەكرێنەوە و بڕی 900 ملیۆن دیناریش بۆ‌ نوێ كردنەوەیان تەرخانكراوە.

لەوباریەوە مازن محەمەد قائیمقامی قەزای ئاكرێ بە PUKmedia ی راگەیاند: سەرۆكایەتی ئەنجومەنی وەزیرانی ھەرێم بڕیاریداوە بڕی 900 ملیۆن دینار بۆ‌ جێبەجێكردنی پڕۆژەی نوێ كردنەوەی خانووە كەلەپوورییەكانی ئاكرێ تەرخانبكات، لەو چوارچێوەیەشدا قۆناغی یەكەمی ئەم پڕۆژەیە رەزامەندی لەسەر دراوە و بەم نزیكانە دەكەوێتە بواری جێبەجێكردنەوە.

وتیشی: لەم قۆناغەدا نوێ كردنەوەكە زۆر گرنگە چونكە، رێگری دەكات لە لەناوچوونی ئەو خانووە كەلەپوریانە.

PUKmedia كۆسرەت كەتۆ