قوباد تاڵەبانی بەڵێنەکەی بۆ کورتە باڵاکان جێبەجێ دەکات

جێگری سەرۆکی ئەنجومەنی وەزیران بەڵێنی دروستکردنی یەکەی نیشتەجێبوون بۆ کورتەباڵاکان جێبەجێدەکات و پشتگیر و پشتیوانی داواکارییەکانیان دەبێت.

ئەمرۆیەک یەک شەممە 5-12-2021 سەرۆکی کۆمەڵەی کورتەباڵاکانی کوردستان سەردانی جێگری سەرۆکی ئەنجومەنی وەزیران دەکات و لەو سەردانەدا رەوشی ئەو توێژەی کۆمەڵگا بۆ جێگری سەرۆک وەزیران دەخرێتە روو.

عومەر جەبار سەرۆکی کۆمەڵەی کورتەباڵاکانی کوردستان رایدەگەیەنێت: قوباد تاڵەبانی جێگری سەرۆکی ئەنجومەنی وەزیرانی هەرێم ئەوبەڵێنەی کەبەکۆمەڵەی کورتەباڵاکانی دابوو بۆ دروستکردنی یەکەی نیشتەجێبوون هێنایەدی و وەک ھەمیشە پشتگیری وپشتیوانی خۆی بۆداخوازی وداواکارییەکانی کۆمەڵەی کورتەباڵاکان دووپات کردەوە.

وتیشی: قوباد تاڵەبانی پیرۆزبایی یادی (٢٧) ساڵەی دامەزراندنی کۆمەڵەی کورتەباڵاکانی پیرۆزکرد و کاری ڕێکخراوەیی کۆمەڵەکەمانی بەرز نرخاند، پاشانیش پیرۆزبایی ڕۆژی جیهانی خاوەن پێداوویستی تایبەتی کرد.

PUKmedia