کۆبونەوەی بافڵ جەلال تاڵەبانی لەگەڵ نوێنەری خوێندکاران دەستیپێکرد

بافڵ جەلال تاڵەبانی بۆ گفتوگۆکردن لەگەڵ نوێنەری زانکۆ و پەیمانگاکانی هەرێم گەیشتە مەکتەبی سیاسی یەکێتی لە سلێمانی.

سه‌عات 2ی پاشنیوه‌ڕۆی ئه‌مڕۆ یه‌كشه‌ممه‌، ٥/١٢/٢٠٢١،  له‌ باره‌گای مه‌كته‌بی سیاسی یه‌كێتیی نیشتمانیی كوردستان له‌شاری سلێمانی کۆبونەوەی بافڵ جه‌لال تاڵه‌بانی له‌گه‌ڵ نوێنه‌ری سه‌رجه‌م زانكۆ و په‌یمانگاكانی سنووری سلێمانی و كه‌ركوك و هه‌ڵه‌بجه‌ و به‌شێك له‌ زانكۆ و په‌یمانگاكانی هه‌رێم دەستیپێکرد، کە به‌مه‌به‌ستی کۆبونەوەکە پاڵپشتیكردنی داواكارییه‌كانی خوێندكاران و هاوكاریكردنیانە له‌ چاره‌سه‌ركردنی گرفته‌كانیان.

له‌ كۆبوونه‌وه‌كه‌دا، نوێنه‌ری سه‌رجه‌م زانكۆ و په‌یمانگاكانی (سلێمانی، كه‌ركوك، هه‌ڵه‌بجه‌، شاره‌زوور، كه‌لار، كفری، خانه‌قین، ڕانیه‌ ، قه‌ڵادزێ، كۆیه‌، چه‌مچه‌ماڵ، سه‌یدسادق، چوارتا، دوكان، ده‌ربه‌ندیخان) به‌شدارن.

PUKmedia تایبەت