لە دهۆک قەیرانی غازە

بەردەوام قەیرانا غازێ ل پارێزگەها دهوکێ پەیدادبیت و بو دەمێ چەندین روژانە قەیران سەرهەلدایە ڤە، ول گورەپانێن غازی سرا وقەرەبالغ پەیدابویە، وجڤاتا پارێزگەها دهوکێ ژی ئەگەرێ پەیدابوونا ڤان قەیرانا دەتە دیارکرن . 

عبد الصمد تێلي ، سەروکێ لژنا سوتەمەنێ ل جڤاتا پارێزگەها دهوکێ تایبەت بو PUKmedia راگەهاند وگوت : ئەگەرێن کێمیا غازێ ئەون کو غاز ژ ژێدەری ب درستاهی ناگەهیتن ، و روژانە بتنێ 8 ئوتومبێل دگەهن، کو نابنە ١٦٠ تەنێن غازێ وهەمی ژدەمێ خودا ناگەهیت ئەڤە دەمەکی دایە کو ژ بلی خەلکێ دهوکێ هەژمارەکا مەزن یا ئاوارە و پەنابەران ل ڤێ پارێزگەهێ دژین ، وبتنێ خەلکێ پارێزگەها دهوکێ روژانە پێتڤی ب 240 تەنێن غازی هەیە ب کێماتی ، بەرپرسێ لژنا سوتەمەنی ل جڤاتا پارێزگەهی گوت ژی : چارەسەرکرنا ڤێ کێشەیێ ئەرکێ وەزارەتا سامانین سروشتیە یا حکومەتا هەرێما کوردستانێ ، ودڤێت فشارێ ل وان کومپانیا بکەت کو بلەز ولدیف پێتڤی وخاستا خەلکێ پارێزگەها دهوکێ غاز بهێتە دابینکرن و هنارتن .

بو دەمێ چەندین سالانە قەیرانا سوتەمەنیا ب شێوەکی گشتی ل هەرێما کوردستانێ سەر هەلدەت وبویە جهێ گلەیی وبێزاریا هاوەلاتیان .

PUKmedia بەیار ئامێدی