دەرباز كۆسرەت رەسوڵ: مامۆستا موحسن تێكۆشەرێكی گەورەی كوردو یەكێتی بوو

بەهۆی كۆچی دوایی مامۆستا موحسن عەلی ئەكبەرەوە، دەرباز كۆسرەت رەسوڵ كارگێڕی مەكتەبی سیاسی یەكێتی، پرسەنامەیەك ئاراستەی كەسوكار و خانەوادەی كۆچكردوو دەكات كە ئەمە دەقەكەیەتی:

دەرباز كۆسرەت رەسوڵ پرسەنامەیەك ئاراستەی كەسوكار و خانەوادەی مامۆستا موحسن عەلی ئەكبەر دەكات

بەڕێزان: خانەوادەو كەسوكاری مامۆستا موحسن عەلی ئەكبەر

بە خەمێكی قووڵەوە هەواڵی كۆچی دوایی، پێشمەرگەو سیاسەتمەدار، تێكۆشەر و رۆشنبیر، لێپرسراوی پێشووی مەڵبەندی خانەقین مامۆستا موحسن عەلی ئەكبەرم بیست.

مامۆستا موحسن تێكۆشەرێكی دیاری كورد بوو، ژیانی خۆی تەرخانكرد بۆ خزمەتی گەلەكەی و تێكۆشەرێكی گەورەی یەكێتیی نیشتمانیی كوردستان بوو، بە كۆچی دوایی كەلێنێكی گەورەی دروست كرد.

بۆ ئەم كۆستە پرسەو سەرەخۆشی و هاوخەمی خۆمتان ئاڕاستە دەكەم، هیواخوازم ئەمە دواكۆست و ناخۆشی هەموومان بێت، خوای گەورە سەبووری هەموومان بدات و كۆچكردوو جێگای بەهەشتی بەرین بێت.

دەرباز كۆسرەت رەسوڵ
كارگێڕی مەكتەبی سیاسی
یەكێتیی نیشتمانیی كوردستان

PUKmedia تایبەت