روونكردنەوەی تەندروستی عیراق لەبارەی قەدەغەی هاتووچۆ

وەزیری تەندروستی عیراق رایگەیاند: جارێكی تر قەدەغەی ھاتووچۆ راناگەیەنرێتەوەو رێكاری پێویستیش بۆ رێگریكردن لە گەیشتنی جۆرە نوێیەكەی كۆرۆنا كە بە ئۆمیكرۆن ناسراوە  گیراوەتەبەر.
ھانی عەقابی وەزیری تەندروستی عیراق رایگەیاند: لەڕێی ئەنجام دانی پشكنین بۆ ھەموو ئەو كەسانەی لە دەرەوەی وڵاتەوە دەگەڕێنەوە، رێگری دەكەن لە گەیشتنی جۆرەی نوێیەكەی كۆرۆنا  كە بە ئۆمیكرۆن ناسراوە بۆ عیراق.
رونیشیكردەوە:  ھەڵمەتی پێدانی ڤاكسینیشیان فراوانكردوەو تا كۆتایی ئەم مانگە ژمارەی ئەو كەسانەی ژەمی یەكەمی ڤاكسینی كۆرۆنا وەردەگرن دەگاتە  8  ملیۆن و ژمارەی ئەوانەش كە هەردوو ژەمی ڤاكسینیان وەرگرتوە دەگاتە  5  ملیۆن كەس.
وەزیری تەندروستی عیراق دەشڵێت: بۆ سنورداركردنی بڵاوبونەوەی كۆرۆنا جارێكی تر قەدەغەی ھاتووچۆ راناگەیەنرێت، چونكە كاریگەری لەسەر ئابوری و ژیانی ھاووڵاتیان دروست دەكات، باشترین رێگاش بۆ سنورداركردنی بڵاوبوونەوەی ڤایرۆسەكە بەكارھێنانی ڤاكسینە.
PUKmedia