فایزه‌ر له‌ هه‌وڵی به‌رهه‌مهێنانی ڤاكسینه‌ دژی ئۆمیكرۆن

كۆمپانیاكانی فایزه‌ر و بیونتیك به‌نیازن ڤاكسینێكی نوێ، دژی گۆڕدراوی نوێی ڤایرۆسی كۆرۆنا به‌رهه‌مبهێنن.

هه‌ردوو كۆمپانیای فایزه‌ر و بیونتیك بڵاویانكرده‌وه‌ زانیاری كۆده‌كه‌نه‌وه‌ ده‌رباره‌ی "ئۆمیكرۆن" گۆڕدراوه‌ نوێیه‌كه‌ی ڤایرۆسی كۆرۆنا له‌پێناو دروستكردنی ڤاكسینه‌كه‌یان دژی ئه‌و گۆڕدراوه‌ نوێیه‌ی كۆرۆنا.

لای خۆیه‌وه‌ كۆمپانیای بیونتیك له‌ڕاگه‌یه‌نراوێكدا ئاماژه‌ی به‌وه‌كردووه‌، چاوه‌ڕوانی داتا و زانیاری زیاتره‌ له‌باره‌ی ئۆمیكرۆن له‌پێناو یارمه‌تیدان بۆ دیاریكردنی ئه‌وه‌ی پێویست ده‌كات ڤاكسینه‌كه‌یان هه‌مواربكه‌نه‌وه‌ كه‌ به‌هاوبه‌شی كۆمپانیای فایزه‌ر دژی ڤایرۆسی كۆرۆنا به‌رهه‌میان هێناوه‌.

له‌و ڕاگه‌یه‌نراوه‌دا ئه‌وه‌شخراوه‌ته‌ڕوو، تێده‌گه‌ن له‌ترسی زانایان و پسپۆڕان له‌باره‌ی گۆڕدراوی ئۆمیكرۆن و ده‌ستبه‌جێ ده‌ستیانكردووه‌ به‌ لێكۆڵینه‌وه‌ له‌باره‌ی ئه‌و گۆڕدراوه‌ نوێیه‌ی ڤایرۆسی كۆرۆنا.

PUKmedia ئاژانسه‌كان