هه‌سه‌ده‌ ژماره‌یه‌ك ده‌ستگیركراو ئازاد ده‌كات

ھێزه‌كانی سوریای دیموكرات (ھه‌سه‌ده‌) سه‌دان تۆمه‌تباری ئازاد كردووه‌، كه‌ گومانی ئه‌وه‌یان لێكراوه‌ په‌یوه‌ندییان به‌ گروپی تیرۆرستی داعشه‌وه‌ ھه‌بوبێت.

ھه‌سه‌ده‌ له‌ ڕاگه‌یه‌نراوێكدا ئاماژه‌ی به‌وه‌كردووه‌، به‌ كه‌فاله‌تی سه‌رۆك عه‌شیره‌ته‌كانی ناوچه‌كه‌ و دوای كۆتاییھاتنی لێكۆڵینه‌وه‌كان و پشتڕاستكردنه‌وه‌ی ئه‌و به‌ڵگانه‌ی تایبه‌ت بوون به‌وه‌ی كاری خوێناوی و تیرۆرستییان ئه‌نجام نه‌داوه‌، سه‌دان ده‌ستگیركراو ئازاد كراون.

سه‌رچاوه‌یه‌كی سه‌ربازیی سه‌ر به‌ ھه‌سه‌ده‌ش ئاشكرایكردووه‌، ژماره‌ی ئه‌و كه‌سانه‌ی به‌ تۆمه‌تی په‌یوه‌ندییان به‌ داعشه‌وه‌ ده‌ستگیركرابوون و ئێستا ئازادكراون، نزیكه‌ی 900 كه‌سن.

ئاماژه‌ به‌وه‌شكردووه‌، له‌ 80% ی ئه‌و ده‌ستگیركراوانه‌ی ئازادكراون، خه‌ڵكی سنووری دێره‌زورن و له‌ داھاتووشدا ژماره‌یه‌كی دیكه‌ش ئازاد ده‌كرێن.

PUKmedia ئاژانسه‌كان