قوباد تاڵه‌بانی بۆ كۆمه‌ڵه‌ی كورته‌باڵاكان: ئه‌ركمانه‌ پشتیوانتان بین

قوباد تاڵه‌بانی جێگری سه‌رۆكی ئه‌نجومه‌نی وه‌زیران به‌بۆنه‌ی ساڵیادی دامه‌زراندنی كۆمه‌ڵه‌ی كورته‌باڵاكانی كورستانه‌وه‌ بروسكه‌یان ئاڕاسته‌ ده‌كات كه‌ ئه‌مه‌ ده‌قه‌كه‌یه‌تی...

به‌‌ڕێزان سه‌رۆك و ئه‌ندامانی كۆمه‌ڵه‌ی كورته‌باڵاكانی كوردستان 

به‌بۆنه‌ی یادی 27 ساڵه‌ی دامه‌زراندنی كۆمه‌ڵه‌ی كورته‌باڵاكانی كوردستانه‌وه‌ گه‌رمترین پیرۆزبایی ئاڕاسته‌‌ی سه‌رۆك و ده‌سته‌ی به‌رێوه‌بردن و هه‌موو ئه‌ندامانی كۆمه‌ڵه‌كه‌تان ده‌كه‌م و هیوای سه‌ركه‌وتنی به‌رده‌وامتان بۆ ده‌خوازم له‌به‌جێگه‌یاندنی ئه‌ركه‌كانتاندا. 
ئه‌م یاده‌ به‌ده‌رفه‌ت ده‌زانم تا سڵاوی خۆم بگه‌یه‌نمه‌ هه‌موو ئه‌ندامانی كۆمه‌ڵه‌كه‌تان و ئه‌و كه‌س و لایه‌نانه‌ی كه‌به‌رده‌وام پشتیوان و هاوكارتانن. 
ئێمه‌ش له‌حكومه‌تی هه‌رێم به‌ئه‌ركی خۆمانی ده‌زانین كه‌پشتیوانی هه‌موو هه‌وڵه‌كان بین بۆ به‌دیهێنانی ته‌واوی ئامانجه‌كانتان، جه‌ختیش ده‌كه‌ینه‌وه‌ له‌سه‌ر پێویستی به‌دیهێنانی هاوسه‌نگی له‌نێوان هه‌موو چین و توێژه‌كاندا له‌پێناو زامنكردنی بنیاتنانی كۆمه‌ڵگه‌یه‌ك كه‌ مافی هه‌مووانی تێدا پارێزراو بێت.

قوباد تاڵه‌بانی 
جێگری سه‌رۆكی ئه‌نجومه‌نی وه‌زیران

PUKmedia تایبه‌ت