}

جۆرێكی نوێی كۆرۆنا نرخی نەوت دادەبەزێنێت

جیهان 10:25 AM - 2021-11-27

بەرمیلێك نەوتی خاو 10 دۆلار لەبەهاكەی لەدەستداو ئەوەش گەورەترین پاشەكشەیە لەنرخی نەوت كە لەمانگی نیسانی 2020ەوە تۆماریكردوەو هۆكارەكەشی بۆ كاریگەری ئاشكرابوونی جۆرێكی نوێی كۆرۆنایە دەگەڕێتەوە لەباشوری كیشوەری ئەفریقاو وەبەرهێنەرانی توشی دڵەڕاوكێ كردوەو ترسیان هەیە لەچارەكی یەكەمی ساڵی داهاتوودا هەڵاوسان رووبدات و خواست لەسەر وزە كەمببێتەوە.
ئەمڕۆ 27ی 11ی 2021 لەبازاڕە جیهانییەكان نرخی نەوتی خاوی برێنت بەراورد بەچەند رۆژی رابردوو زۆرترین بەهای لەدەستداو هەر بەرمیلێك نەوتی برینێت 9 دۆلارو 50 سەنت دابەزیوەو 11.6٪ی بەهاكەی لەدەستداوە، بە 72 دۆلارو 72 سەنت مامەڵەی پێوەدەكرێت، ئەوەش گەورەترنی دابەزینە لەماوەی هەفتەیەكدا، هەروەها نرخی نەوتی ئەمریكاش 10 دۆلارو 24 سەنت دابەزیو بەوەش 13.1%ی بەهاكەی لەدەستداوەو بەرمیلێكی بە 68 دۆلارو 15 سەنت مامەڵەی پێوەدەكرێت.
دابەزینی خێرایی نرخی نەوتی خاو لەبازاڕە جیهانییەكان بۆ سەرهەڵدانی جۆرێكی نوێی كۆرۆنا دەگەڕێتەوە كە بەناوی (ئۆمیكرۆن)ە لەباشوری كیشوەری ئەفریقاو دەبێتە هۆی مەترسی لەسەر گەشەی ئابوری جیهان و خواست لەسەر وزە.
دوای ئاشكرابوونی جۆرێكی نوێی كۆرۆنا، وڵاتانی ئەمریكاو كەنەداو بەریتانیاو گواتیمالاو وڵاتانی تری ئەوروپا گەشتكردنیان بۆ باشوری كیشوەری ئەفریقا سنوردار كرد.

 PUKmedia ئاژانسەكان 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket