خورماتوو.. هه‌فته‌ بازاڕ جمه‌ی دێت

هه‌فته‌ بازاڕی هه‌ینی له‌ قه‌زای خورماتوو بۆته‌ جێگایه‌ك بۆ هه‌ژاران و كاسبكاران بۆ كڕین و فڕۆشتن و كاركردن تێیدا.

به‌شێك له‌و هاوڵاتیانه‌ی كه‌ سه‌ردانی ئه‌م بازاڕه‌ ده‌كه‌ن به‌ PUKmedia یان ڕاگه‌یاند:ئه‌م بازاڕه‌ له‌ هه‌فته‌یه‌كدا یه‌ك ڕۆژ هه‌یه‌ كه‌ ته‌نها ڕۆژی هه‌ینیه‌ و بۆ خه‌ڵكی هه‌ژار هه‌رزان بازاڕیيه‌ و هه‌موو فه‌قیر و هاوڵاتیه‌ك ڕووی تێده‌كات.

ئه‌وشیان وت: كه‌ له‌م بازاڕه‌دا هه‌موو جۆره‌ پێداویستیه‌كی ماڵ ده‌فرۆشرێت له‌ ئاژه‌ڵ و خواردن و خواردنه‌وه‌ و جل و به‌رگ و پێداویستی ناو ماڵ و به‌ نرخێكی هه‌رزان به‌ به‌راورد له‌ گه‌ڵ بازاڕ و شوێنه‌كانی تر.

وتیشیان: نه‌ك له‌ ناو قه‌زای خورماتوو به‌ڵكوو له‌ گوند و ناحیه‌ و قه‌زاكانی ده‌وروبه‌ر خه‌ڵك سه‌ردانی ئه‌م بازاڕه‌ ده‌كه‌ن له‌ هه‌موو نه‌ته‌ویه‌ك بێ جیاوازی،جگه‌ له‌و هاوڵاتیانه‌ش كه‌ بۆ كڕین و فڕۆشتن ڕوو ده‌كه‌نه‌ ئه‌و بازاڕه‌ خه‌ڵكش هه‌یه‌ بۆ كات به‌ سه‌ربردنی خۆش و دووركه‌وتنه‌وه‌ی له‌ جه‌نجاڵی ژیان سه‌ردانی ده‌كه‌ن و داواكارن ئه‌م بازاڕه‌ جێگاكه‌ی بگوازرێته‌وه‌ بۆ شوێنێكی گونجاو، چونكه‌ له‌ ناو ماڵانه‌ و زۆر قه‌ره‌باڵغه‌ و كێشه‌ بۆ دانیشتوانی ئه‌و گه‌ڕه‌كه‌ دروست ده‌كات.

PUKmedia  عه‌داله‌ت میعاد