كەلار.. هاووڵاتییەك خۆی خنكاند

لەیەكێك لە گەڕەكەكانی قەزای كەلار هاووڵاتییەكی تەمەن 52 ساڵ خۆی دەخنكێنێت.

لەوبارەیەوە موقەدەمی مافپەروەر عەلی جەمالی قدووری لە ڕاگەیاندنی پۆلیسی گەرمیان ڕایگەیاندووە: بەیانی ئەمڕۆ هەینی 26-11-2021 لە گەڕەكی ئاوارەكانی قەزای كەلار هاووڵاتییەك بە ناوی ( خ، ا، م) لە دایكبووی ساڵی 1969 لە ماڵەكەی خۆیدا خۆی هەڵواسی و گیانی لەدەستدا.

بە وتەی كەسوكاری ناوبراو چەند ساڵێكە تووشی نەخۆشی دەروونی بووە و لە ئێستادا تەرمەكەی ڕەوانەی پزیشكی دادوەری كەلار كراوە و پۆلیسی نەهێشتنی تاوانی كەلار دەستیان بە لێكۆڵینەوە كردووە. 
PUKmedia  زمناكۆ یەحیایی