}

روونكردنەوەیەك لە ئەنجوومەنی ئاسایشی ھەرێمی كوردستانەوە

کوردستان 11:14 PM - 2021-11-25

ئەنجومەنی ئاسایشی هەرێمی کوردستان روونکردنەوەیەکی لەسەر رووداوەکەی رانیەو کوژرانی موراد کانی کوردەیی بڵاوکردەوە.

دەقی روونکردنەوە: 

روونكردنەوەیەك لە ئەنجوومەنی ئاسایشی ھەرێمی كوردستانەوە...

سەرلەئێوارەی ئەمڕۆ ٢٥ی ١١ی ٢٠٢١ ھێزێكی فەرمی بۆ جێبەجێكردنی بڕیاری دادگا و سەروەریی یاسا بۆ دەستگیركردنی داواكراو (موراد كانی كوردەیی) لە شاری رانیە بەشێوەیەكی مەدەنی و یاسایی ئەركی دەستگیركردنی ناوبراویان پێسپێردرا، لەكاتی جێبەجێكردنی بڕیارەكە موراد كانی كوردەیی و پاسەوانەكانی كە لەگەڵیدا بوون رووبەڕووی ھێزەكە دەبنەوە كە لەكاتی ئەركدا بوون بۆ جێبەجێكردنی سەروەری یاسا، كارمەندێكی ئەمنی بە ناوی (شامل زرار ئیسماعیل) شەھید دەكەن و سێ كەسی تریش بریندار دەكەن.
لەئەنجامی وەڵام و دەستپێشخەری یاساشكێنان و ھەڵھاتوان موراد كانی كوردەیی و دوو لە پاسەوانەكانی دەكوژرێن.

لێرەوە بۆ رای گشتی رووندەكەینەوە دەزگا ئەمنییەكان بەدواداچوون دەكەن بۆ دەستگیركردنی ھەموو ئەو تۆمەتبارانەی پەیوەستن بەم رووداوەوە و لەدادگا ھەڵھاتوون و سەرجەم تۆمەتباران راپێچی بەردەم دەسەڵاتی دادوەری دەكرێن.

PUKmediaراگەیەنراو

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket