ئەڵمانیا.. زیاتر لە 100 هەزار كەس بە كۆرۆنا گیان لەدەستدەدەن

بەپێی ڕاپۆرتێكی پزیشكی تا ئێستا 100 هەزار و 109 كەس لە ئەڵمانیا بەهۆی تووشبوون بە كۆرۆنا گیانیان لەدەستداوە. 

بەیانی ئەمڕۆ پێنجشەممە 25-11-2021 ڕێكخراوی ڕۆبێرت كۆخ كە ناوەندێكی تایبەت بە تۆماركردنی تووشبوان بە كۆرۆنایە ڕایگەیاند: لەسەرەتای سەرهەڵدانی كۆرۆنا تا ئێستا 5 ملیۆن و 573 هەزار و 756 كەس لە ئەڵمانیا تووشی كۆرۆنابوون و لەو ڕێژەیەش 100 هەزار و 109 كەس بە كۆرۆنا گیانیان لەدەستداوە. 

ئاماژەی بەوەشكردووە لە 24 سەعاتی ڕابردوودا 75 هەزار و 961 كەس تووشی كۆرۆنا بوون. 

PUKmedia ئاژانسەكان