}

ڕاگەیەنراوێك لە بەڕێوەبەرایەتی دژەتیرۆر

کوردستان 01:06 AM - 2021-11-25

بەڕێوبەرایەتی دژە تیرۆر راگەیەنراوێكی بڵاوكردوەتەوەو  تیایدا پشتیوانی داواكاری خوێندكارانی زانكۆو پەیمانگاكانی كوردستان دەكات و جەختیش كراوەتەوە، هەر لایەن و گروپێكی سیاسی یاخود كەسانی بەرژەوەندی خواز بۆ مەبەستی خۆیان ئاراستەی خۆپیشاندانەكان بگۆڕن بەتوندی ڕوبەڕوویان دەبنەوە.
لەراگەیەنراوەكەی بەڕێوبەرایەتی دژە تیرۆردا هاتووە:" لەگەڵ سەرهەڵدانی خۆپیشاندانەكانی خوێندكارانی زانكۆ و پەیمانگاكانی كوردستان زۆر بەڕوونی و بە ئاشكرایی پشتیوانی ڕاستەقینەی داواكارییەكانیان دەكەین وە هێزی بنەڕەتی پاراستنیانین چونكە ڕۆڵەی خۆمانن و مافی یاسایی خۆیانە كە حكومەتی هەرێم مافی دەرەماڵە و خزمەتگوزارییەكانیان بۆ دابین بكات".

رونیشكراوەتەوە:" بەڵام بەداخەوە لێرەو لەوێ ئاراستەی ناڕەزاییەكان تێك دەدرێت پێش ئێمە پێویستە خوێندكاران بەگژ ئەو دەستانەدا بچنەوە كە ڕێگەی ئامانجە ڕەواكەیان لێ تێك دەدات لەبەرامبەدا ئەركی سەرەكی ئێمەیە كە ئاسایش و سەقامگیری هاوڵاتیان وەك هەمیشە بپارێزین و بەرگری لە داموو دەزگاكانی میری بكەین كە مووڵكی گشتین".
جەختیشكراوەتەوە:"  بۆیە ڕایدەگەیەنین هەر لایەن و گروپێكی سیاسی یاخود كەسانی بەرژەوەندی خواز بۆ مەبەستی خۆیان ئاراستەی خۆپیشاندانەكان بگۆڕن بەتوندی ڕوبەڕوویان دەبینەوە و وە دڵنیایی بە خەلكی كوردستان و خوێندكاران دەدەین پاراستنی بەرژەوەندییەكانیان لە ئەستۆی ئێمەدایە و بڕینەوەی دەستی تێكدەرانیش تەنها لە پێناو ئامانجە سەرەكییەكەی خۆپیشاندەردایە.

PUKmedia بەڕێوەبەرایەتی هێزەكانی دژەتیرۆر

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket