}

راگەیەنراوێك لەئاسایشی سلێمانیەوە بۆ رای گشتی

کوردستان 11:21 AM - 2021-11-24

ئاسایشی سلێمانی رایدەگەیەنێت:دوای بڵاو بوونەوەی گرتە ڤیدیۆیەك كەتێیدا كەسێك بەشێوەیەكی نەشیاو و نا یاسایی ئازاری دە‌گەیاند بەخۆپیشاندەرێك، بەڕێوەبەرایەتیمان لە‌سە‌ر راسپاردە‌ی بە‌ڕێز قوباد تاڵە‌بانی جێگری سە‌رۆكی حكومە‌تی ھە‌رێم، هەستا بە لێكۆڵینەوە و دەستبەسەركردنی ئە‌و كە‌سە‌

راگە‌یە‌نراوێك بۆ رای گشتی
پاراستنی سەر و ماڵ و ئاسایش و ئارامی شار ئەرك و بەرپرسیارێتیمانە. لە كاتێكدا خوێندكاران لەڕێی خۆپیشاندانێكی شارستانییە‌وە‌ ناڕەزایەتی خۆیان دە‌ردە‌بڕی و داواكاری خۆیان دە‌خستە‌روو، بە داخەوە لەڕێی چەند كەس و لایەنەكەوە بۆ مەرامی سیاسی هەوڵدرا بە‌دروستكردنی گرژی و ئاژاوە ئاڕاستەی خۆپیشاندانەكان بگۆڕدرێ بە‌رە‌و توندوتیژی. 
لە كاتێكدا كە پێمانوایە هەموو چین و توێژێك مافی خۆیەتی لە چوارچێوەی یاسا و لە پێناوی بەرژەوەندی گشتی داوای مافی خۆیان بكە‌ن یان ناڕەزایەتی خۆیان دە‌ربڕن، لە‌ ھە‌مانكاتدا ئەركی ئێمە‌یە‌ رێگر بین و نەهێڵین یاسا پێشێل بكرێت و ئاسایش وئارامی شار تێك بدرێت. 
ھە‌روە‌ھا ئەرك و بەرپرسیارەتی ئێمەیە وەك ھێزی ئاسایش بەوپەڕی پیشەییانە‌ و سەردەمییانە مامەڵە لەگەڵ سەرپێچیكاران بكەین. بۆیە دوای بڵاو بوونەوەی گرتە ڤیدیۆیەك كەتێیدا كەسێك بە شێوەیەكی نەشیاو و نا یاسایی ئازاری دە‌گەیاند بەخۆپیشاندەرێك، بەڕێوەبەرایەتیمان لە‌سە‌ر راسپاردە‌ی بە‌ڕێز قوباد تاڵە‌بانی جێگری سە‌رۆكی حكومە‌تی ھە‌رێم، هەستا بە لێكۆڵینەوە و دەستبەسەركردنی ئە‌و كە‌سە‌.
ھە‌ربۆیە‌ هاوڵاتیانی ئازیز دڵنیا دەكەینەوە كە هەموو هەوڵێك دەخەینە گەر لە پێناوی پاراستنی ئارامی و سەقامگیری و لە هەمان كاتدا ناهێڵین ئەفسەرانمان و كارمە‌ندانمان بە‌ھیچ شێوە‌یە‌ك و بیانوویە‌ك یاسا پێشێل بكەن.
بە‌ڕێوبە‌رایە‌تی ئاسایشی پارێزگای سلێمانی

PUKmedia 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket