به‌رپرسێ مه‌لبه‌ندێ دهوك: خو ب قه‌ردارێن خێزانێن شه‌هیدان دزانین

ئه‌ڤرو رۆژا دووشه‌مبێ 22-11-2021، ئاراس محه‌مه‌د ئاغا به‌رپرسێ مه‌لبه‌ندێ چوارێ دهوك، ل هولا باره‌گه‌هێ مه‌لبه‌ندی پشكداری د رێ و ره‌سمێن ئیمزا كرنا په‌رتوكا ( شه‌هیدێی چه‌سپاندنا یاسایێ ) مامه‌ند كه‌مال باجلوری دا كر كو ژلایێ د. هاشم زێباری ماموستایێ زانكویێ و كادرێ پێشكه‌فتی یێ ئێكه‌تی و ب هه‌ڤكاری دگه‌ل كه‌مپینا زه‌ڤه‌را شه‌هیدان هاتبوو به‌رهه‌ڤكرن.

هه‌ر دڤێ رێ و ره‌سمێ دا ئاراس محه‌مه‌د ئاغا په‌یڤه‌ك ب هه‌لكه‌فتا سالروژا شه‌هیدێن ئێكه‌تیێ پێشكێشكر و گوتی : ئێكه‌تی نیشتمانی كوردستان ددیروكا خو دا خودان گه‌له‌ك سه‌روه‌ری بوویه‌ و ژپێخه‌مه‌ت ئازادی و دیموكراتیا كوردستانێ رویباره‌كێ خوینێ به‌خشیه‌، له‌ورا ئه‌ركێ مه‌یه‌ ئه‌م پتر خزمه‌تا مالباتێن شه‌هیدان بكه‌ین، چونكه‌ خو ب قه‌ردارێن وان دزانین.

هه‌ر دڤێ رێ و ره‌سمێ دا كورتیه‌ك ژلایێ سه‌لام لیناڤایی ڤه‌ هاته‌ پێشكێش كر كو هه‌ڤاله‌كێ نێزیكێ شه‌هید مامه‌ندی بوو هه‌روه‌سا د. هاشم زێباری ژی كورتیه‌ك سه‌ر ناڤه‌روكا وێ په‌رتوكێ بو به‌رهه‌ڤبوویان به‌حس كر.
ل دوماهیكێ ژی په‌رتوكا شه‌هیدێ چه‌سپاندنا یاسایێ سه‌ر به‌رهه‌ڤبوویان هاته‌ دابه‌شكرن.

PUKmedia كۆسره‌ت كه‌تو