لسه‌نته‌رێ دهوكێ هه‌وا ڤاكسین دانانێ یا به‌رده‌وامه‌

ئه‌ڤرو لناڤا سه‌نته‌رێ باژێرێ دهوكێ هه‌وه‌كا دی یا ڤاكسیندانانێ دچار چوڤێ هه‌وێن به‌رده‌ام ب رێڤه‌چوو، وهه‌ژماره‌كا هاوه‌لاتییان ڤاكسینێ دژی ڤایروسێ كورونا دانا .

حه‌مزه‌ ره‌زیكی، به‌رپرسێ راگه‌هاندنا رێڤه‌به‌ریا ساخله‌میا پارێزگه‌ها دهوكێ تایبه‌ت بو PUKmedia راگه‌هاند وگوت: به‌ردوام ل هه‌می بنگه‌هێن ساخله‌میێ وهه‌روه‌سا ب رێكا تێمێن تایبه‌ت هاولاتی دهێنه‌ ڤاكسیندان دژی ڤایروسێ كورونا، وهه‌وا ئه‌ڤرو ژی بو ڤی مه‌به‌ستی یه‌، وب هه‌می رێكا دێ خو گه‌هینینه‌ هاوه‌لاتیان داكو بلندترین رێژا ڤاكسیندانی بهێته‌ توماركرن ،و ژیانا هاوه‌لاتیێن مه‌ یا پاراستی بیت، هه‌روه‌سا حه‌مه‌ز ره‌زیكی گوتژی : داخاز ژ سه‌ر جه‌م هاوه‌لاتیان دكه‌ین ڤاكسینی دژی ڤایروسی كرونا وه‌ربگرن داكو ژیانا وان و كه‌س كارێن وان نه‌كه‌ڤیته‌ دمه‌ترسیێ دا .

ل گوری ئامارێن هاتینه‌ به‌لافكرن ل دوو سالێن ده‌رباز بوی وهه‌ر ل ده‌سێكا دیاربوونا ئێكه‌م حاله‌تێ كورونا ل وه‌لاتێ چینێ وتا نوكه‌ ل پارێزگه‌ها دهوكێ  125 هزار و 666 كه‌س توشی ڤایروسێ كورونایێ بوینه‌ وهزار  674 كه‌س ل پارێزگه‌ها دهوكێ ب سه‌ده‌مێ ڤایروسێ كورونا گیانێ خو ده‌ست داینه‌.

PUKmedia به‌یار ئامێدی